Fara í efni

Bæjarráð

214. fundur
5. október 2010 kl. 16:00 - 18:30
í fundarsal á bæjarskrifstofunum að Hafnargötu 2 á Reyðarfirði
Fundargerð ritaði:
Gunnlaugur Sverrisson forstöðumaður stjórnsýslu
Dagskrá
1.
Fjárheimildir í fjárhagsáætlun 2011 - Bæjarráð
Málsnúmer 1009132
Lagt fram bréf bæjarstjóra frá 17.september er varðar fjárhagsramma sameiginlegs kostnaðar og brunamála og almannavarna.  Vísað til viðeigandi sviðsstjóra.  Fjallað verður um fjárhagsáætlun 2011 og hagræðingarleiðir á fundi bæjarráðs miðvikudaginn 13.október.
2.
Edduborgarreiturinn Eskifirði - umgengni
Málsnúmer 0909044
Bréf Ingólfs Friðjónssonar, f.h. Frjálsa Fjárfestingabankans, frá 22.september og tillaga mannvirkjastjóra frá 1.október til eigna-, skipulags og umhverfisnefndar.  Bankinn býðst til að afsala fasteignunum að Útkaupstaðarbraut 2, Strandgötu 39a og Grjótagötu 2 á Eskfirði til Fjarðabyggðar án endurgjalds þannig að hvorki Fjarðabyggð né Frjálsi Fjárfestingarbankinn eigi kröfur á mótaðila.  Bæjarráð samþykkir tillögu eigna, skipulags- og umhverfisnefndar um að taka tilboði Frjálsa fjárfestingarbankans hf. um yfirtöku allra eigna á Edduborgarreitnum án nokkurra kvaða. Fjarðabyggð mun einnig afsala sér öllum kröfum á hendur Frjálsa fjárfestingarbankans.  Bæjarráð felur mannvirkjastjóra jafnframt  áframhaldandi vinnu við yfirtöku á eignum á Edduborgarreitnum.
3.
Lóðarframkvæmdir við Breiðablik
Málsnúmer 1009185
Bréf starfsmanna og íbúa Breiðabliks frá 21.september þar sem farið er fram á að lóðaframkvæmdir verði kláraðar í haust.  Mannvirkjastjóra falið að láta ganga frá viðgerð á lóð innan ramma fjárhagsáætlunar.
4.
Kynning á tillögu að starfsleyfi fyrir Alcoa Fjarðaál
Málsnúmer 1008079
Framlagt minnisblað mannvirkjastjóra til eigna-, skipulags- og umhverfisnefndar frá 30.september vegna tillögu að nýju starfsleyfi fyrir álver Alcoa-Fjarðaáls.  Umsagnarfrestur um tillöguna er til 14.október.  Bæjarráð felur mannvirkjastjóra að vinna áfram samkvæmt tillögum minnisblaðsins.
5.
Samvinna vinabæja Fjarðabyggðar
Málsnúmer 1002098
Lögð fram drög að dagskrá vinabæjarheimsóknar 5.-7.október.
6.
Aðalfundur HAUST bs. 2010
Málsnúmer 1009034
Aðalfundur Heilbrigðiseftirlits Austurlands verður haldinn á Djúpavogi miðvikudaginn 6.október kl.14:00. Mannvirkjastjóri verður fullltrúi Fjarðabyggðar á fundinum og fer með atkvæði bæjarins.
7.
Ráðstefna um almannavarnir sveitarfélaga 21.október 2010 á Grand Hótel Reykjavík
Málsnúmer 1009215
Bæjarráð felur bæjarstjóra að sækja ráðstefnuna.
8.
Hættumat fyrir Oddsskarð
Málsnúmer 1009201
Kynningarfundur vegna hættumats fyrir Oddsskarð verður haldinn miðvikudaginn 13.október.  Mannvirkjastjóri, formaður eigna-, skipulags- og umhverfisnefndar, fræðslustjóri og forstöðumaður Skíðamiðstöðvarinnar munu sækja kynninguna.  
9.
Árgjöld sveitarfélaga til Avinnuþróunarsjóðs Austurlands
Málsnúmer 1009205
Bréf formanns stjórnar frá 23.september þar sem tilkynnt er að sjóðurinn reikni með að framlög frá sveitarfélögunum verði með sambærilegum hætti á næsta ári og árið 2009.  Erindið vísað til fjárhagsáætlunar 2011.
10.
Aðalfundur Raflagna Austurlands 16.september 2010
Málsnúmer 1009055
Lagt fram til kynningar fundargerð aðalfundar og minnisblað Steinþórs Péturssonar en Steinþór sat aðalfundinn. 
11.
Kynningarfundur vegna rannsókna á samfélagsáhrifum álvers- og virkjunarframkvæmda
Málsnúmer 1009218
Kynningarfundur verður í Fróðleiksmolanum Reyðarfirði fimmtudaginn 7.október frá 10:00 - 12:00.  Bæjarstjóri mun sækja fundinn.
12.
Fyrirspurn um Samband sveitarfélaga á Austurlandi og Fjarðabyggð
Málsnúmer 1009220
Fyrirspurn Ásmundar Ásmundssonar frá 27.september er varðar SSA.  Forstöðumanni stjórnsýslu falið að taka saman svar við erindinu.
13.
Fundur sveitarstjórnar með fjárlaganefnd Alþingis haustið 2010
Málsnúmer 1009073
Fjarfundur verður með fjárlaganefnd Alþingis í Fróðleiksmolanum miðvikudaginn 13.október kl.9:00.
14.
Íslandshátíð í Gravelines
Málsnúmer 1006248
Bæjarstjóri gerði grein fyrir ferð til Graveline sem farin var í síðasta mánuði.
15.
Hluthafafundur 1.október 2010 í Lánasjóði sveitarfélaga
Málsnúmer 1009138
Bæjarstjóri gerði grein fyrir efni og helstu niðurstöðum fundarins.
16.
Samningur við bæjarstjóra
Málsnúmer 1010026
Framlagður ráðningarsamningur sem bæjarráð gerði við bæjarstjóra 29.júlí 2010.  Vísað til afgreiðslu bæjarstjórnar.
17.
Beiðni um styrk vegna útgáfu á geisladisk
Málsnúmer 1010015
Bæjarráð vísar beiðni til atvinnu- og menningarnefndar til afgreiðslu.
18.
Eigna- skipulags- og umhverfisnefnd - 4
Málsnúmer 1009018F
Fundargerð lögð fram.
19.
Atvinnu- og menningarnefnd - 3
Málsnúmer 1009015F
Fundargerð lögð fram.
20.
Félagsmálanefnd - 2
Málsnúmer 1009021F
Fundargerð lögð fram.
21.
Hafnarstjórn - 74
Málsnúmer 1009020F
Fundargerð lögð fram.
22.
Barnaverndarnefnd - fundur nr. 2
Málsnúmer 1010013
Fundargerð lögð fram.
Bæjarráð hefur ákveðið að boða til fundar með Heilbrigðisstofnun Austurlands og helstu fyrirtækjum á svæðinu vegna fyrirhugaðra niðurskurðartillagna ríkisins. Fundurinn verður haldinn nk. fimmtudag kl. 14:30 á Reyðarfirði.