220. fundur

9. nóvember 2010 kl. 16:00 - 22:00

í fundarsal á bæjarskrifstofunum að Hafnargötu 2 á Reyðarfirði

Fundargerð ritaði:

Gunnlaugur Sverrisson forstöðumaður stjórnsýslu

Dagskrá

1.

Rafmagnskostnaður Björgunarsveitarinnar Ársólar

Bréf Björgunarsveitarinnar Ársólar er varðar rafmagnskostnað í Þórðarbúð, húsnæði sveitarinnar. Einnig lagt fram bréf sama efnis frá síðasta ári og minnisblað rafveitustjóra frá sama tíma. Bæjarráð felur bæjarstjóra að vinna málið frekar og frestar afgreiðslu.

2.

Málefni Björgunarsveitanna í Fjarðabyggð

Málsnúmer 0907017

Framlagt minnisblað forstöðumanns stjórnsýslu vegna greiðslna til björgunarsveitanna á árinu 2009. Umfjöllun um málefni björgunarsveitanna. Bæjarráð felur forstöðumanni stjórnsýslu að vinna málið áfram fyrir næsta fund og boða forsvarsmenn sveitanna á næsta fund.

3.

Almenningssamgöngur

Málsnúmer 1004103

Umræða um almenningssamgöngur. Bæjarstjóra falið að koma með tillögur fyrir næsta fund.

4.

Afskriftir á álögðu útsvari 2006-2009

Málsnúmer 1011005

Minnisblað fjármálastjóra frá 1.nóvember vegna afskrifta á álögðu útsvari. Vísað til afskriftanefndar.

5.

Sala á fasteigninni Mýrargötu 26 740

Málsnúmer 1011030

Framlagt minnisblað mannauðsstjóra vegna lokafrágangs á makaskiptum á eignum. Bæjarráð samþykkir skiptin.

6.

Fjárhagsáætlun 2011

Málsnúmer 1009099

Áframhald vinnu við fjárhagsáætlun frá síðasta fundi. Þennan lið fundarins sátu fjármálastjóri og mannauðsstjóri auk þess sem fræðslustjóri og formaður fræðslu- og frístundanefndar, slökkviliðsstjóri og mannvirkjastjóri sátu þennan lið fundarins að hluta. Bæjarráð samþykkir að vísa breytingu á fjárhagsrömmum til fastanefnda. Tillögur verði lagðar fyrir næsta fund bæjarráðs.