5. apríl 2011
kl.
08:30
-
11:00
í þjónustumiðstöðinni í Neskaupstað
Fundargerð ritaði:
Gunnlaugur Sverrisson
Stjórnsýslustjóri
Dagskrá
1.
Starfsendurhæfing Austurlands
Lagt fram bréf til bæjarstjóra frá formanni stjórnar StarfA vegna málefna StarfA frá 10.mars sl. Bæjarstjóri gerði grein fyrir fundi sem haldinn var á Reyðarfirði 31.mars sl. með formanni stjórnar og framkvæmdastjóra StarfA. Auk þeirra á fundinum voru Björn Ingimarsson bæjarstjóri Fljótsdalshéraðs, Hjalti Þór Vignisson bæjarstjóri Hornafjarðar og Páll Björgvin Guðmundsson bæjarstjóri Fjarðabyggðar. Formaður StarfA mun á næstunni vera í sambandi við velferðarráðaneytið vegna málefna StarfA og er reiknað með að haldinn verður annar fundur með hópnum um miðjan apríl mánuð. Bæjarráð Fjarðabyggðar vill hvetja ráðherra heilbrigðismála til að standa vörð um Starfendurhæfingu Austurlands og tryggja framtíð starfseminnar. Mikil uppbygging hefur átt sér stað í þessari þjónustu á Austurlandi og mikilvægi hennar óumdeilt. Bæjarstjóra falið að koma bókun bæjarráðs á framfæri við ráðherra velferðarmála.
2.
725 Mjóafjörður - Tilboð í hús
3.
Snjóflóðavarnir Tröllagili Norðfirði.
Tillaga Framkvæmdasýslu ríkisins frá 1.apríl og mannvirkjastjóra frá 4.apríl um töku tilboðs í snjóflóðavarnir í Tröllagili. Sex tilboð bárust í verkið. Bæjarráð samþykkir að taka tilboði Héraðsverks ehf. í verkið "Snjóflóðavarnir í Neskaupstað, varnargarðar og keilur" sem er í samræmi við ráðgjöf Framkvæmdasýslu ríkisins. Kostnaðarhlutdeild Fjarðabyggðar í verkefninu er 10%
4.
Ársuppgjör Fjarðabyggðar 2010
Áframhaldandi umræða um ársuppgjör 2010.
5.
Fundagerðir Sambands íslenskra sveitarfélaga árið 2011
6.
AST - Fundargerð framkvæmdaráðs 17.3.2011
Fundargerð lögð fram til kynningar.
7.
Fundagerðir Skólaskrifstofu Austurlands árið 2011
Fundargerð frá 28.mars 2011 lögð fram til kynningar.
8.
Stuðningur og samstarf við Þekkingarnet Austurlands
Framlagt bréf frá formanni stjórnar Þekkingarnets Austurlands frá 17.mars. Bæjarstjóra falið að funda með formanni og framkvæmdastjóra ÞNA.
9.
Fundargerðir barnaverndarnefndar 2011
Fundargerð barnaverndarnefndar nr. 9 frá 8.mars lögð fram.
10.
Eigna- skipulags- og umhverfisnefnd - 17
Fundargerð eigna,- skipulags- og umhverfisnefndar nr.17 frá 28.mars lögð fram.
Umræða um þjónustu Lyfju í Neskaupstað og á Reyðarfirði á laugardögum. Stjórnsýslustjóra falið að vinna að málinu áfram.
Bæjarráð óskar Glímusambandi Íslands og Ungmennafélaginu Val Reyðarfirði til hamingju með glæsilega framkvæmd Íslandsglímunnar sem fram fór á Reyðarfirði 2.apríl.
