Bæjarráð
307. fundur
10. september 2012
kl.
08:30
-
11:30
í Molanum fundarherbergi 3
Fundargerð ritaði:
Gunnar Jónsson
Dagskrá
1.
750 Fjarðabyggð, snjóflóðavarnir Fáskrúðsfirði
Framlagt bréf Skipulagsstofnunar frá 5.september, þar sem fallist er á að framkvæmdir við ofanflóðavarnir á Fáskrúðsfirði við Nýjabæjarlæk séu ekki háðar mati á umhverfisáhrifum. Lagt fram til kynningar.
2.
Aðalfundur Sambands sveitarfélaga Austurlandi 2012
Framlagt til kynningar fundarboð og dagskrá aðalfundar SSA 2012 sem haldinn verður 14. og 15. september á Borgarfirði eystri. Rætt um undirbúning fundar.
3.
Afslættir fasteignagjalda
Framlögð greinargerð fjármálasviðs, frá 7.september, um áhrif breytinga á tekjumörk í reglum um afslátt af fasteignaskatti eldri borgara og örorkulífeyrisþega. Bæjarráð sammála um að tekjumörk verði endurskoðuð í tengslum við fjárhagsáætlunargerð 2013. Bæjarstjóra falið að leggja endanlega tillögu fyrir bæjarráð síðar.
4.
Ársfundur Jöfnunarsjóðs sveitarfélaga 2012
Framlagt fundarboð ársfundar Jöfnunarsjóðs sveitarfélaga 2012 sem haldinn verður 26. september nk. í Reykjavík.  Bæjarráð felur bæjarritara að sækja ársfundinn fyrir hönd sveitarfélagsins.
5.
Beiðni um bætta félagsþjónstu á Stöðvarfirði
Bæjarstjóri fór yfir stöðu mála vegna umræðu um félagsaðstöðu eldri borgara og ungmenna á Stöðvarfirði. Tekið fyrir á næsta fundi þegar frekari upplýsingar liggja fyrir.
6.
Bréf frá foreldrum barna á Sólvöllum - Saltkráku
Framlagt bréf, dagsett 23.ágúst, frá foreldrum barna á deildinni Saltkráku á Sólvöllum í Neskaupstað, þar sem óskað er eftir afslætti á leikskólagjaldi vegna flutnings hluta barna inn á Kirkjumel. Einnig lagt fram minnisblað fræðslustjóra frá 9.september. Erindi foreldra vísað til fræðslu- og frístundanefndar til umsagnar. Tekið fyrir á fundi bæjarráðs síðar í mánuðinum.
7.
Drög að heildstæðu frumvarpi til náttúruverndarlaga
Framlagt bréf umhverfis- og auðlindaráðuneytisins þar sem óskað er umsagnar um ný náttúruverndarlög fyrir 25.september.  Eigna-, skipulags- og umhverfisnefnd er falin afgreiðsla málsins og að gefa umsögn fyrir tilgefinn frest. 
8.
Drög af samþykktum og dagskrá aukaaðalfundar Mennigarráðs Austurlands
Aukaaðalfundur Menningarráðs Austurlands verður haldinn á Borgarfirði eystri 14. september 2012. Lögð fram dagskrá fundar ásamt breytingum á samþykktum ráðsins og viðauka við samning sveitarfélaga um menningarmál. Fulltrúar Fjarðabyggðar á fundinum verða Ásta Kristín Sigurjónsdóttir, Esther Ösp Gunnarsdóttir, Elvar Jónsson, Jón Björn Hákonarson og Páll Björgvin Guðmundsson.
9.
Heyskapur á jörðinni Hólmum
Framlagt bréf Snorra Jónssonar frá 1.september, þar sem óskað er eftir heimild til að fá að heyja tún á jörðinni Hólmum í Reyðarfirði. Einnig lagt fram minnisblað mannvirkjastjóra frá 9.september. Á grundvelli aðalskipulags Fjarðabyggðar getur bæjarráð ekki fallist á ósk Snorra og felur bæjarstjóra að svara erindinu.
10.
Innkaupareglur Fjarðabyggðar
Umræða um innkaupareglur. Bæjarráð vísar reglunum til fjármálasviðs og bæjarstjóra til frekari vinnslu.
11.
Þrautabraut í tengslum við Verkmenntaskóla Austurlands
Framlagt bréf Þórðar Júlíussonar skólameistara Verkmenntaskóla Austurlands, frá 24.ágúst, um gerð þrautabrautar í nágrenni skólans. Vísað til fræðslu- og frístundanefndar.  
12.
Vatnsveita Fjarðabyggðar Fáskrúðsfirði
Framlagður til kynningar verksamningur um framkvæmdir við stofnlögn vatnsveitu á Fáskrúðsfirði í samvinnu með RARIK.  Bæjarráð hefur áður samþykkt framkvæmdina og staðfestir nú samninginn.
13.
Fundargerðir félagsmálanefndar 2012
Fundargerð félagsmálanefndar nr. 33 frá 3.september 2012 lögð fram til kynningar.
14.
Eigna- skipulags- og umhverfisnefnd - 45
Fundargerð eigna-, skipulags- og umhverfisnefndar nr. 45 frá 3.september 2012 lögð fram til kynningar.