Bæjarráð

Framhald af umræðum frá síðasta fundi um ábendingakerfi Fjarðabyggðar. Forsvarsmenn Markaðsdeildarinnar ehf mæta á fundinn kl. 09:00 og fara yfir nýja virkni sem unnið er að í Fjarðabyggðar appinu varðandi ábendingar. Bæjarráð þakkar fyrir kynninguna.

Unnið hefur verið að undirbúningi sjálfsafgreiðslu í móttökum bæjarskrifstofunnar á Búðareyri og Hafnargötu og útvistunar símsvörunar og netspjalls. Fyrir liggja tilboð í símsvörun og móttökukerfi vegna afgreiðslu og einnig minnisblað upplýsingafulltrúa vegna þeirra.

Bæjarráð samþykkir að taka annarsvegar tilboði Halló vegna símsvörunar og Edico Visit vegna móttökukerfis.

Framlagt innra vinnuskjal bæjarstjóra og sviðsstjóra mannauðs- og umbótamál varðandi innleiðingu á gervigreind ásamt fyrstu drögum að reglum um notkun gervigreindar.

Bæjarráð þakkar fyrir kynninguna og felur bæjarstjóra að vinna áfram að málinu í samræmi við umræður á fundinum.

Framlagt minnisblað sviðsstjóra mannauðs- og umbótasviðs vegna stöðu samninga um skólaakstur.

Í ljósi annmarka sem komið hafa fram í ferli varðandi framlengingu samninga um akstur skólabarna í Fjarðabyggð, og þeirrar niðurstöðu úr samtölum við núverandi akstursaðila að best fari á því að fella úr gildi núverandi samkomulag um aksturinn samþykkir bæjarráð að fela bæjarstjóra að ganga frá samkomulagi um gagnkvæm samningslok við Tanna Ferðaþjónustu ehf. frá 31. desember 2026 sem tryggi órofna þjónustu fram að áramótum og feli jafnframt í sér fullt og endanlegt uppgjör á milli aðila.

Samhliða samþykkir bæjarráð að hefja þegar í stað formlegan undirbúning að nýju innkaupaferli skólaakstursþjónustu sveitarfélagsins í samræmi við meginreglur laga nr. 120/2016 um opinber innkaup og innkaupareglur Fjarðabyggðar. Bæjarráð felur stjórnanda fræðslumála og skólaþjónustu ásamt fjármálastjóra að hefja vinnu við það þannig að nýir samningar geti tekið gildi frá og með 1. janúar 2027.

Framlagt að nýju erindi frá ÍS - Travel vegna útboða á skólaakstri fyrir árið 2026. Bæjarstjóra falið að svara erindi bréfritara í samræmi við umræður á fundinum.

Framlögð kynning á uppbyggingu íbúða fyrir 60 ára og eldri. Bæjarstjóra falið að ræða við forsvarsmenn fyrirtækisins og málið verði tekið fyrir að nýju á næsta fundi.

Bæjarstjóri fór yfir stöðu mála vegna ýmissa atvinnuþróunarverkefna.

Umræða um áhrif fjárlaga 2027 á Fjarðabyggð. Sviðsstjóra fjármála- og greiningarsviðs falið að taka saman minnisblað um áhrif boðaðra fjárlaga í Fjarðabyggð og leggja fyrir bæjarráð.

Iða Marsibil Jónsdóttir, framkvæmdastjóri Leigufélagsins Bríetar mætir á fund bæjarráðs kl. 10:00 og fór yfir samstarfsverkefni félagsins og Fjarðabyggðar.

Framlagt erindi GYG vegna námuvinnslu á Reyðarfirði. Sviðsstjóra mannauðs- og umbótasviðs falið að svara erindinu á grundvelli fyrri svara sveitarfélagsins.

Vísað frá stjórn menningarstofu til afgreiðslu bæjarráðs tillögu að gjaldskrá félagsheimila samhliða fjárhagsáætlunargerð. Stjórn leggur til að gjaldskrá hækki um 2,5% og taki gildi 1. janúar 2027.

Vísað frá stjórn menningarstofu til afgreiðslu bæjarráðs tillögu að gjaldskrá safna 2028 samhliða fjárhagsáætlunargerð. Stjórn leggur til að gjaldskrá hækki um 2,5% og taki gildi 1. janúar 2028.

Vísað frá fundi stjórnar Menningarstofu tillögu að viljayfirlýsingu milli Menningarstofu Fjarðabyggðar og Þjóðaróperunnar um undirbúning samstarfs við óperuna um stærri sýningar og árlegt fræðsluverkefni í Fjarðabyggð. Bæjarráð samþykkir fyrirliggjandi drög að samningnum, og felur bæjarstjóra undirritun hans.

Óskað hefur verið eftir því að Fjarðabyggð sendi fulltrúa á fund umhverfis- og samgöngunefndar Alþingis þriðjudaginn 13. október þar sem fjallað verður um 4. mál - Varnir gegn snjóflóðum og skriðuföllum o.fl.

Bæjarstjóri mun sækja fundinn fyrir hönd Fjarðabyggðar.

Fundargerð 97. fundar stjórnar Samtaka orkusveitarfélaga frá 7. september 2026 lögð fram til kynningar

Fundargerð 43. fundar stjórnar Menningarstofu lögð fram til staðfestingar

Fundargerð 9. fundar starfshóps um íþróttahús á Eskifirði lögð fram til staðfestingar.