Eigna- skipulags- og umhverfisnefnd
2. fundur
23. ágúst 2010
kl.
16:30
-
18:30
í fundarsal á bæjarskrifstofunum að Hafnargötu 2 á Reyðarfirði
Fundargerð ritaði:
Jóhann Eðvald Benediktsson
mannvirkjastjóri
Dagskrá
1.
Tilnefningar í Landbúnaðarnefnd 2010 til 2014
Lögð fram tillaga formanns, dagsett 19. ágúst 2010 vegna tilnefninga í landbúnaðarnefnd fyrir kjörtímabilið 2010 til 2014. Eigna-, skipulags- og umhverfisnefnd samþykkir tillögu formanns um tilnefningu eftirfarandi aðila í landbúnaðarnefnd fyrir kjörtímabilið 2010 til 2014. <?xml:namespace prefix = o ns = "urn:schemas-microsoft-com:office:office" />
ü Sigurður Baldursson formaður, Sléttu, Reyðarfirði ü Sigfús Vilhjálmsson, Brekku, Mjóafirði ü Axel Jónsson, Kirkjubóli, Norðfirði ü Halldór Árni Jóhannsson, Stóru-Breiðuvík, Eskifirði ü Ármann Elísson, Dölum, Fáskrúðsfirði
Jafnframt þessu er Sigurður Baldursson tilnefndur sem fjallskilastjóri. |
2.
Sorpurðun - Samstarf við Fljótsdalshérað, Seyðisfjarðarkaupstað og Fljótsdalshrepp
Lögð fram til kynningar "Greinagerð starfshóps um samstarf í meðhöndlun úrgangs á mið-austurlandi", dagsett 3. mái 2010. Einnig er lögð fram til kynningar umsögn mannvirkjastjóra, dagsett 24. maí 2010 um næstu skerf í samstarfinu. Nefndin fór yfir málið og frestar afgreiðslu.
3.
Ríkisjörðin Grænanes í Norðfirði - Hugsanleg kaup Fjarðabyggðar á jörðinni.
Lagt fram bréf, dagsett 27. júlí 2010 frá Sjávarútvegs- og landbúnaðarráðuneytinu vegna jarðarinnar Grænanes í Norðfirði. En ráðuneytið bíður Fjarðabyggð jörðina til kaups og er ásett verð 21.145.000 kr. Nefndin óskar eftir því að fá lista yfir ríkisjarðir í Fjarðabyggð til að geta áttað sig á umfangi ríkisjarða í sveitarfélaginu. Nefndin er sammála um að ganga til samninga við ríkið um kaup á Grænanesi og vísar málinu til bæjarráðs.
4.
Samþykkt um umgengni og þrifnað utan húss á starfssvæði HAUST
Lögð fram til kynningar samþykkt Heilbrigðisnefndar Austurlands, dagsett 9. ágúst 2010 um umgengni og þrifnað utan húss sem gildir á starfssvæði hennar. Einnig er meðfylgjandi staðfesting Umhverfisráðuneytis.
5.
Fundargerð 91.fundar Heilbrigðiseftirlitar Austurlands
Lögð fram til kynningar fundargerð 91. fundar Heilbrigðisnefndar Austurlands sem haldin var þann 28. júní síðastliðin.
6.
Nýtt hjúkrunarheimili á Eskifirði
Mannvirkjastjóri gerði grein fyrir málinu. |
7.
Mengunarslys í fiskimjölsverksmiðju Eskju.
Mannvirkjastjóri fór yfir málið, greinargerð verður skilað fyrir næsta fund nefndarinnar.
8.
Áskorun um átak í umferðaröryggi
Lagt fram bréf, dagsett 9. júlí 2010 frá foreldrum barna í Neskaupstað fædd 2004. En þar kemur fram áskorun til bæjaryfirvalda, lögreglu, sýslumanns og aðra sem málið varðar, að bæta umferðaröryggi ungra vegfaranda í Neskaupstað. Bréfið hefur áður verið tekið fyrir á 206. fundi bæjarráðs. Eigna-, skipulags- og umhverfisnefnd tekur heilshugar undir áskoranir foreldrana og bæjarráðs og mun hraða endurskoðun umferðarsamþykktar og umferðaröryggisáætlunar fyrir Fjarðabyggð alla.
9.
Beiðni um lagfæringar á gangbraut, gangstétt og lýsingu
Lagt fram bréf frá foreldrafélagi Nesskóla, móttekið 3. ágúst, vegna gangbrauta, gangstétta og lýsingu. Farið er framá að gerðar séu úrbætur á gangbraut sem liggur framan við Mýrargötu 19, ofan við Verkmenntaskóla Austurlands. Nefndin felur um eigna- og umhverfissviði að koma með tillögur að úrbótum á svæðinu fyrir næsta fund nefndarinnar.
10.
Breytingar á Aðalskipulagi Fjarðabyggðar 2007 - 2027, Fáskrúðsfjörður.
Tillaga að breytingu á Aðalskipulagi Fjarðabyggðar 2007 -20027, Fáskrúðsfjörður. Frestur til athugasemda er útrunninn og hafa engar athugasemdir borist. Nefndin samþykkir að vísa málinu til afgreiðslu bæjarstjórnar.
11.
Breyting deiliskipulags á Fáskrúðsfirði, svæði við Hafnargötu, reitur H4/13 skv. aðalskipulagi
Tillaga að breytingu á deiliskipulagi á Fáskrúðsfirði, svæði við Hafnargötu, reitur H4/13 skv. aðalskipulagi. Frestur til athugasemda er útrunninn og hafa engar athugasemdir borist. Nefndin samþykkir að vísa málinu til afgreiðslu bæjarstjórnar.
12.
Deiliskipulag fyrir Ósinn á Fáskrúðsfirði
Lögð fram tillaga skipulagsfulltrúa til umræðu í nefndinni. Nefndin felur skipulagsfulltrúa að vinna áfram með hugmyndina og leggja aftur fyrir nefndina á næsta fundi.
13.
Tillaga að deiliskipulag fyrir Fannardal á Norðfirði
Lögð fram deiliskipulags tillaga fyrir Fannardal í Norðfirði, dagsett 14. nóvember 2008 unnin af Þórhalli Pálssyni arkitekt. Nefndin yfirfer tillöguna og felur skipulagsfulltrúa að auglýsa hana.
14.
Franski spítalinn við Hafnarnes
Lagt fram bréf, dagsett 7. ágúst 2010 þar sem sótt er framkvæmdarleyfi til að flytja Franska spítalann frá Hafnarnesi inn á Fáskrúðsfjörð, hliðarálmur í tveimur heilum hlutum, en miðhluta hússins fjöl fyrir fjöl. Einnig er meðfylgjandi teikningar sem lagðar eru fyrir nefndina sem fyrirspurn. Nefndin felur byggingarfulltrúa að gefa út starfsleyfi. Áður hafði Hafnarstjórn á 72. fundi gefið leyfi á að húshlutanir verði geymdir innst á hafnarsvæðinu ofan við Hafskipabryggju.
15.
Byggingaleyfi fyrir súrálssíló
Lagt fram bréf, dagsett 5. júlí 2010 frá Alcoa Fjarðaráli vegna byggingarleyfis fyrir súrálssíló álversins. Þar er óskað eftir því að Fjarðabyggð samþykki að fresta málun á sílóinu. Einnig eru lögð fram drög að samningi við Alcoa vegna frestunar á yfirborðsfrágangi sílósins. Nefndin felst á samningsdrögin og að sílóið verði með núverandi yfirborðsfrágang út árið 2012. Fyrir árslok 2012 skulu aðilar hafa komist að niðurstöðu hvort ástæða sé til að breyta núverandi yfirborðsfrágangi. Verði niðurstaðan sú að breyta þurfi yfirborðsfrágangi þá gera aðilar sér grein fyrir að sú breyting getur tekið allt að þremur árum frá því að breyting er ákveðin þar til hún verður að fullu framkvæmd.
16.
Kynning á tillögu að starfsleyfi fyrir Alcoa Fjarðaál
Lögð fram tillaga Umhverfisstofnunar að starfsleyfi fyrir Alcoa Fjarðarál sf. Í tillögunni er lagt til að rekstraraðila sé heimilt að framleiða allt að 360.000 tonn af áli í kerskálum álversins, auk reksturs tilheyrandi málsteypu, ker- og skautsmiðju, geymslusvæðis fyrir eigin framleiðsluúrgang og þjónustu fyrir eigin starfssemi. Umsóknargögn og tillaga að starfsleyfisskilyrðum liggja frammi á skrifstofu Fjarðabyggðar, Hafnargötu 2, Fjarðabyggð á tímabilinu 19. ágúst til 14. október 2010.
17.
Oddskarð - byggingarleyfi
Lagðar fram teikningar sem óskað var eftir á 37. fundi umhverfis- og skipulagsnefndar. Nefndin samþykkir framlagðar teikningar.
18.
Umsókn um lóð í landi Högnasstaða
Lagt fram bréf, dagsett 11. maí frá Jónínu Jónsdóttir eigandi Högnastaða í Eskifirði. Þar er óskað eftir að stofnuð sé sumarbústaðlóð á jörðinni. Tillaga að deiliskipulag liggur fyrir. Nefndin samþykkir tillöguna og felur skipulagsfulltrúa að auglýsa tillöguna.
19.
Varðar leyfi fyrir áfyllingarplani norðan við lóð að Óseyri 4, 730
Skeljungur hf sækir um að gera áfyllingarplan norðan við Óseyri 4. Nefndin tekur jákvætt í erindið en óskar eftir nánari gögnum.
20.
740-Gilsbakki 14-viðbygging
Erindi frá Grétar Örn Sigfinnsson er varða bygging sólstofa við Gilsbakki 14. Nefndin samþykkir erindið og felur byggingarfulltrúa að afgreiða byggingarleyfið.
21.
755,Fjarðarbraut 65A - Byggingarleyfi
Grenndarkynningu er lokið með samþykki nágranna. Nefndin felur byggingarfulltrúa að afgreiða byggingarleyfið.
22.
Óskað eftir umsögn um stofnun lögbýlis að Krossstekk í Mjóafirði
Lagt fram bréf, dagsett 4. ágúst frá Nönnu Gunnarsdóttir. En þar er beðið um umsögn Fjarðabyggðar vegna stofnunar lögbýlis að Krossstekk í Mjóafirði. Nefndin gerir ekki athugasemdir við stofnun lögbýlis en gerir fyrirvara um skyldur sveitarfélagsins um þjónustu.
23.
Endurnýjun efnistökuleyfa samkvæmt nýju aðalskipulagi
Lögð fram drög að bréfi sem sent verður á alla aðila sem standa í efnistöku í Fjarðabyggð, einnig er gert ráð fyrir að skilmálar bréfsins verða líka auglýstir í stjórnartíðindum. Nefndin samþykkir framlögð drög.
24.
Afgreiðslur byggingafulltrúa - 11