Hafnarstjórn

Farið yfir samantekt af Seatrade Cruise Med ráðstefnunni og umræður á súpufundi með ferðaþjónustuaðilum í Fjarðabyggð sem haldinn var þann 29.október síðastliðinn. Efni fundarins var móttaka skemmtiferðaskipa í Fjarðabyggð. Góð þátttaka var á fundinum og mikill áhugi og umræður. Stjórnanda og verkefnastjóra hafna falið að móta tillögur á grundvelli umræðunnar og leggja fyrir hafnarstjórn að nýju.

Áframhaldandi umræða um næstu skref í kjölfar skipulagsgreiningar Mjóeyrarhafnar.

Farið yfir ferli er varðar verðkönnun. Eftir yfirferð á ferli verðkönnunar er það mat hafnarstjórnar að ekki sé tilefni til breytinga er snúa að opnun tilboða, enda hafi verið gætt að jafnræði bjóðenda og málsmeðferð verið í samræmi við gildandi reglur og fagleg sjónarmið.

Niðurstöður verðkönnunar í rafkerfi Leirubakka 9 á Eskifirði liggja fyrir. Tvö tilboð bárust og hafnarstjórn samþykkir að taka tilboði lægstbjóðanda.

Farið yfir stöðuna í framkvæmdum ársins 2026.

Farið yfir niðurstöður ástandsskoðunar á trébryggjunni í Norðfjarðarhöfn. Hafnarstjórn felur stjórnanda hafna að vinna að undirbúningi viðgerða og leggja áætlun þar um fyrir fund.

Lögð fram til kynningar fundargerð 486. og 487. fundar stjórnar Hafnasambands Íslands.