Hafnarstjórn
78. fundur
30. nóvember 2010
kl.
17:00
-
19:00
í fundarsal á bæjarskrifstofunum að Hafnargötu 2 á Reyðarfirði
Fundargerð ritaði:
Steinþór Pétursson
Framkvæmdastjóri Fjarðabyggðarhafna
Dagskrá
1.
Fundargerð 333. fundar Hafnasambands Íslands
Fundagerð stjórnar Hafnasambands Íslands nr. 333 dags. 5. nóvember 2010. Til kynningar.
2.
Endurbygging Barksins
Gera þarf upplýsingaskilti við Barkinn þar sem gerð er grein fyrir sögu hans. Framkvæmdastjóri leggur til að menningarmálanefnd verði falið að koma með hugmynd að upplýsingaskilti. Hafnarstjórn samþykkti tillöguna.
3.
Mengunarvarnamál
Framkvæmdastjóri fór yfir hugmynd um fyrirkomulag mengunarvarna hjá Fjarðabyggðarhöfnum. Hafnarstjórn felur framkvæmdastjóra að ganga til samninga við Slökkvilið Fjarðabyggðar.
4.
Móttaka skipa á Norðfirði
Erindi frá hafnsögumanni Fjarðabyggðarhafna 20.ágúst 2010 og svar frá Siglingastofnun 17. nóv 2010 varðandi stærð skipa inn í Norðfjarðarhöfn. Hafnarstjórn felur framkvæmdastjóra að ræða við Siglingastofnun um vinnureglur fyrir Norðfjarðahöfn.
5.
735 Tillaga að frágangi fjöru frá frystihúsbryggju út fyrir sýsluskrifstofu.
Fyrir fundinum lá tillaga að grjótvörn og frágangi á fjöru frá frystihúsbryggjunni og út fyrir sýsluskrifstofu á Eskifirði. Hafnarstjórn samþykkir tillöguna fyriri sitt leiti.
6.
Smábátahöfn Stöðvarfirði
Framkvæmdastjóri fór yfir stöðu framkvæmda við smábátahöfnina á Stöðvarfirði. Hafnarstjórn samþykkti að láta breyta legu nýju floteininganna í samræmi við fyrirliggjandi teikningar.
7.
Áfamhaldandi framkvæmdir við klæðningu á Gamla garðinn á Stöðvarfirði
Kynnt staða undirbúnings teikningar fyrir áframhald vinnu við klæðningu á gamla garðinn á Stöðvarfirði. Hafnarstjórn sammála um að setja kanttré á restina á gamla garðinum samhliða áður ákveðinni klæðningu á hann.
8.
Smábátahöfn Eskifirði
Framkvæmdastjóri fór yfir vinnu við endurskipulagningu smábátahafnarinnar á Eskifirði. Hafnarstjórn ákvað að fresta ákvörðun um varanlega staðsetningu olíubryggju. Ákveðið var að framkvæmdastjóri í samvinnu við tæknisvið útfæri hagkvæmustu leið við snúning á núverandi trébryggju.
9.
Fjárhagsáætlun 2011
Yfirferð yfir fjárhagsáætlun 2011 ásamt gjaldskrá.