Hafnarstjórn

Kynnt skýrsla KPMG um áhrif breytinga á fiskveiðistjórnunarkerfinu ásamt umsögn bæjarráðs.

Erindi frá Hafnasambandi Íslands þar sem kynnt er að hafnafundur verði haldinn 16. september 2011 í Reykjavík. Hafnarstjórn felur framkvæmdastjóra að vera fulltrúi á fundinum og heimilar honum að taka með sér fulltrúa starfsmanna hafnarinnar.

Kynntur fyrirhugaðaður fundur vegna innleiðingar reglna EB um hafnarvernd sem halda á fimmtudaginn 15. september nk. Hafnarstjórn felur framkvæmdastjóra að vera fulltrúi á fundinum og heimilar honum að taka með sér fulltrúa starfsmanna hafnarinnar.

Beiðni dags. 17. ágúst 2011 frá Tandrabergi ehf. um skammtímaleigu á lóð á Hrauni til geymslu á malarefni. Spurt er um lóð nr. 6 innan við Vélaborg. Hafnarstjórn hafnar beiðni um afnot af lóð nr. 6 en heimilar geymslu efnis á neðra svæði í samráði við framkvæmdastjóra hafnarinnar.

Farið yfir ný drög að útliti umhverfis smábátahafnarinnar á Reyðarfirði. Hafnarstjórn var ánægð með framkomna tillögu og samþykkti hana fyrir sitt leiti og vísar henni til kynningar í umhverfis og skipulagsnefnd.

Kynnt frumdrög að frágangi umhverfis smábátahafnarinnar á Eskfirði. Hafnarstjórn fór yfir fyrir liggjandi drög að teikningum og kom með athugasemdir til að vinna með áfram.

Kynnt staða rekstrar miðað við áætlun 2012. Farið yfir tímaáætlun og vinnu við gerð fjárhagsáætlunar 2012 sem er að hefjast.  Einnig farið yfir stöðuna fyrstu 6 mánuði ársins.