Landbúnaðarnefnd
Lögð fram tillaga umhverfisfulltrúa, dagsett 11. janúar 2011, um fyrirkomulag refa og minkaveiða. <?xml:namespace prefix = o ns = "urn:schemas-microsoft-com:office:office" />
Lagt er til að fyrirkomulag minkaveiða verði eftirfarandi:
Ráðnir verði veiðimenn í grenjavinnslu og greidd verði verðlaun, tímakaup og akstur skv. gjaldskrá UST: 3000 kr. fyrir hvern veiddan mink.
Tímakaup verði 800 kr/klst. - Akstur verði 79 kr/km.
Greitt verði til annarra veiðimanna skv. gjaldskrá UST utan grenjavinnslu-tíma þ.e. 3000 kr.- fyrir veiddan mink.
Lagt til að fyrirkomulag refaveiða verði eftirfarandi:
Ekki verði sérstaklega ráðnir veiðimenn á veiðisvæðin. Greitt verði öllum veiðimönnum skv. gjaldskrá UST:
7.000 kr.- fyrir fullorðið dýr. - 1.600 kr.- fyrir yrðling.
Nefndin samþykkir tillögu umhverfisfulltrúa og vísar henni til staðfestingar eigna-, skipulags- og umhverfisnefndar.
Bréf frá landeigendum og ábúendum jarðarinnar Áreyja frá 10.nóvember 2010 er varðar ósk um nýja staðsetningu sauðfjárveikivarnarlínu. Málið áður tekið fyrir á 221. fundi bæjarráðs og vísað til landbúnaðarnefndar með beiðni um umsögn. Nefndin tekur heilshugar undir óskir bréfritara og beinir því til bæjarráðs að það hlutist til um við ráðuneytið að girðingin verði færð í norðurlandamörk Áreyja upp á Fagradal. <?xml:namespace prefix = o ns = "urn:schemas-microsoft-com:office:office" />
Hagkvæmasta leiðin er að sauðfé sem beitt er á Fagradal verði fært vestur fyrir Grímsá og um leið verði Lagarfljótslína færð í Grímsá. Með þessum aðgerðum væri hægt að spara mikinn kostnað við girðingu upp Fagradal og þá næðist einnig það markmið Fjarðabyggðar að umrædd svæði væru fjárlaus einsog skilgreint er í aðalskipulagi.