Skipulags- og framkvæmdanefnd

Farið yfir rekstrar og fjárfestingaráætlun 2027. Skipulags- og framkvæmdanefnd samþykkir framlagða rekstar og fjárfestingaráætlun 2027-2030.

Skipulags- og framkvæmdanefnd samþykkir tillögur í framlögðu innra vinnuskjali fyrir sitt leyti og vísar erindinu til bæjarráðs.

Lögð fram vinnslutillaga á nýju deiliskipulagi fyrir íbúðarbyggð innan þéttbýlismarka Eskifjarðar ásamt tjaldsvæði, Dalur 3. Skipulags- og framkvæmdanefnd frestar afgreiðslu vinnslutillögu á nýju deiliskipulagi og felur skipulagsfulltrúa að láta uppfæra vinnslutillögu í samræmi við umræður á fundinum og leggja fyrir nefnd að nýju.

Framlögð til umfjöllunar nefndar gjaldskrá samhliða fjárhagsáætlunargerð. Tillaga að uppfærslu gjaldskrár vísast að aflokinni umfjöllun nefndar til bæjarráðs ásamt minnisblaði. Skipulags- og framkvæmdanefnd samþykkir framlagða gjaldskrá og vísar erindinu til endanlegrar afgreiðslu í bæjarráði.

Sótt var um styrk úr Framkvæmdasjóði ferðamannastaða annars vegar fyrir næsta áfanga verklegrar uppbyggingar við Búðarárfoss og hins vegar fyrir frumhönnun og deiliskipulagi við Beljanda.

Umsóknirnar eru í samræmi við þá áherslu sveitarfélagsins að hafa á hverjum tíma eitt verkefni í hönnun og annað í verklegri framkvæmd. Skipulags- og framkvæmdanefnd þakkar kynninguna.

Lagt fram til kynningar tölvupóstur frá Kristjáni Ólafssyni framkvæmdastjóra Moltu varðandi móttöku matarleifa frá Múlaþingi og Fjarðabyggð ásamt skilmálum og gjaldskrá Moltu fyrir árið 2027. Skipulags- og framkvæmdanefnd þakkar kynninguna.

Lagt fram til kynningar dagskrá Skipulagsdagsins 2026, sem haldinn verður fimmtudaginn 5. nóvember. Skipulags- og framkvæmdanefnd þakkar kynninguna og felur skipulagsfulltrúa að fara á Skipulagsdaginn 2026.

Rannsóknaráðstefna Vegagerðarinnar 2026 verður haldin föstudaginn 6. nóvember á Hilton Reykjavík Nordica við Suðurlandsbraut, kl. 09.00-16.30. Þar verða kynnt fjölbreytt rannsóknarverkefni á sviði samgangna, mannvirkja, umhverfis og náttúruvár. Skipulags- og framkvæmdanefnd þakkar kynninguna.