Stjórn menningarstofu

Verkefnastjóri safna í menningarstofu og umsjónarmaður safna fóru yfir framgang áætlunar um uppbyggingu og viðurkenningu safna ásamt reynslu af safnastarfi á liðnu sumri.

Þóra Björk Ólafsdóttir kynnti starfsemi Safnaráðs og úthlutanir Safnasjóðs. Farið verður yfir stöðu og framtíð safna Fjarðabyggðar með hliðsjón af fimm ára áætlun um uppbyggingu þeirra.

Fjallað um áherslu í starfsemi fyrir árið 2027 og stöðu rekstrar menningarmálaflokksins.
Stjórn felur bæjarritara að hefja vinnu við útfærslu fjárhagsáætlunar á forsendum rammaúthlutunar og umræðu á fundinum og leggja niðurstöður fyrir fund stjórnar.

Framlögð til kynningar úthlutun Húsafriðunarsjóðs til endurbóta þaks Randulffssjóhúss.
Skipulags- og framkvæmdasvið er með framkvæmd verksins.

Forstöðumaður fór yfir úttekt Exton á hljóðkerfum Eskifjarðarkirkju og Egilsbúðar.
Stjórn felur forstöðumanni menningarstofu að vinna áfram að málinu.

Fjallað um samning Fjarðabyggðar og Sóknarnefndar Eskifjarðarkirkju um afnot og þjónustu í Tónlistarmiðstöð.
Stjórn felur formanni ásamt bæjarritara og forstöðumanni að funda með sóknarnefnd um efni samnings og leggja niðurstöður fyrir fund stjórnar.

Frá fyrri fundi stjórnar til umfjöllunar hugmyndavinna vegna sýningarhönnunar og sýningarstjórnunar ásamt fjárhagsáætlun sýningargerðarinnar.
Stjórn vísar fjármögnun sýningarinnar til bæjarráðs og mögulegrar viðaukagerðar vegna framkvæmdarinnar.

Farið yfir framgang annars áfanga og tímasetningar vegna afhendingar á húsnæði en kostnaðargreining verkefnis verður lögð fram á næsta fundi.