Stjórn menningarstofu

Lögð fram drög að fjárhagsáætlun fyrir menningarmálaflokkinn vegna ársins 2027.
Stjórn samþykkir drögin fyrir sitt leyti og vísar þeim áfram til fjárhagsáætlunargerðar 2027.

Framlögð til umfjöllunar nefndar gjaldskrá félagsheimila samhliða fjárhagsáætlunargerð.
Stjórn samþykkir að gjaldskrá hækki um 2,5% og taki gildi 1. janúar 2027. Gjaldskrá er vísað til afgreiðslu bæjarráðs.

Framlögð til umfjöllunar nefndar gjaldskrá safna samhliða fjárhagsáætlunargerð.
Stjórn samþykkir að gjaldskrá hækki um 2,5% og taki gildi 1. janúar 2028. Stjórn áréttar að ársmiði í söfn Fjarðabyggðar gildir innan almanaksársins.
Gjaldskrá er vísað til afgreiðslu bæjarráðs.

Fjallað áfram um samning Fjarðabyggðar og Sóknarnefndar Eskifjarðarkirkju um afnot og þjónustu í Tónlistarmiðstöð í kjölfar fundar formanns og forstöðumanns menningarstofu með sóknarnefnd. Vísað til áframhaldandi vinnu um endurskoðun samnings.

Framlögð til kynningar ástandsskoðun á Safnahúsinu í Neskaupstað. Hafnarstjórn er með málið til úrvinnslu og greiningar á kostnaði vegna endurbóta húsnæðisins.

Framlagt minnisblað um safngripi sem boðnir eru Íslenska stríðsárasafninu að gjöf. Baldur J Baldursson hefur boðið safninu að gjöf fatnað sem tengist stríðsárunum og hernáminu.
Stjórn menningarstofu samþykkir að þiggja góðar gjafir og færir Baldri bestu þakkir fyrir þær.

Lögð fram tillaga að viljayfirlýsingu milli Menningarstofu og Þjóðaróperunnar um undirbúning samstarfs við Þjóðaróperuna um stærri sýningar og árlegt fræðsluverkefni í Fjarðabyggð.
Stjórn tekur vel í yfirlýsinguna og felur bæjarritara og forstöðumanni að vinna hana áfram og leggja fyrir næsta fund stjórnar til samþykktar.