155. fundur

14. júlí 2009 kl. 09:00 - 11:00

í fundarsal á bæjarskrifstofunum að Hafnargötu 2 á Reyðarfirði

Fundargerð ritaði:

Gunnlaugur Sverrisson forstöðumaður stjórnsýslu

Dagskrá

1.

Málefni Björgunarsveitarinnar Ársólar Reyðarfirði

Bréf Björgunarsveitarinnar Ársólar frá 1.7. þar sem farið er fram á fund með bæjarráði vegna styrkja til björgunarsveita. Bæjarstýru falið að leggja fram gögn og tillögu að málsmeðferð styrkbeiðna fyrir næsta fund bæjarráðs. Fundað verði með björgunarsveitinni í framhaldinu.

2.

Móttaka gesta frá Gravelines á Frönskum dögum 2009

Málsnúmer 0907033

Framlagt minnisblað ferða- og menningarfulltrúa frá 9.7. og drög að dagskrá vegna móttöku erlendra gesta á Frönskum Dögum.

3.

Athugasemdir vegna b-gatnagerðargjalda

Málsnúmer 0907006

Bréf Magna Kristjánssonar er varðar álagningu b-gatnagerðargjalda. Tekið fyrir á næsta fundi.

4.

Ályktun frá aðalfundi Fiskræktar- og veiðifélags Norfjarðarár sem haldinn var 27.6.2009

Málsnúmer 0907018

Umhverfisstjóri sat þennan lið fundarins. Bréf Fiskiræktar- og veiðifélags Norðfjarðarár frá 28.6. þar sem mótmælt er efnistöku úr Norðfjarðará. Bæjarráð harmar þau mistök sem orðið hafa vegna efnistöku úr Norðfjarðará og felur umhverfisstjóra að koma afsökunarbeiðni á framfæri við Fiskiræktar- og veiðifélag Norðfjarðarár. Umhverfisstjóra og bæjarstýru jafnframt falið að eiga fund með hlutaðeigandi aðilum.

5.

Efnistaka úr Norðfjarðará

Málsnúmer 0907024

Umhverfisstjóri sat þennan lið fundarins. Lagt fram til kynningar bréf Vegagerðarinnar frá 2.7. vegna efnistöku úr Norðfjarðará og tillögur til úrbóta.

6.

Aðalskipulag Fjarðabyggðar 2007 - 2027

Málsnúmer 0906102

Umhverfisstjóri og byggingarfulltrúi sátu þennan lið fundarins. Aðalskipulagi Fjarðabyggðar 2007 - 2027 var á fundi umhverfis- og skipulagsnefndar 13.7. vísað til afgreiðslu bæjarráðs. Umhverfisstjóri fór yfir þær breytingar sem gerðar voru við lokafrágang á aðalskipulaginu.

Bæjarráð samþykkir aðalskipulag Fjarðabyggðar 2007 - 2027 með framkomnum breytingartillögum.

7.

Geymsla á raflausn í geymsluskemmu

Málsnúmer 0907031

Umhverfisstjóri og byggingarfulltrúi sátu þennan lið fundarins. Bréf Alcoa-Fjarðaáls frá 6.7., þar sem tilkynnt er um geymslu á raflausn, lagt fram til kynningar. Bæjarstýru og umhverfisstjóra falið að funda með Alcoa-Fjarðaáli á næstunni vegna þessa máls.

8.

Samskipti dreifbýlis og þéttbýlis - Ráðstefna North Atlantic Forum í Bornholm 2009

Málsnúmer 0907021

Kynning á ráðstefnu sem haldin verður í Danmörku í september.

9.

Starfsemi Þróunarfélags Austurlands

Málsnúmer 0907029

Bréf Þróunarfélags Austurlands frá 1.7. vegna athugasemda við starfsemi Þróunarfélags Austurlands og Atvinnuþróunarsjóðs Austurlands. Forstöðumanni stjórnsýslu falið að koma svari á framfæri við málshefjanda.

10.

Fundargerð Skólaskrifstofu Austurlands

Málsnúmer 0907030

Fundargerð lögð fram til kynningar.

11.

Málefni Golfklúbbs Eskifjarðar

Málsnúmer 0906033

Rætt um málefni Golfklúbbs Eskifjarðar.

12.

Sveitarstjórnarkosningar 2010

Málsnúmer 0907039

Lagt fram til kynningar tilkynning um að sveitarstjórnarkosningar muni fara fram 29.5.2010.

13.

Fundargerð félagsmálanefndar nr.22 frá 22.6.

Málsnúmer 0907041

Fundargerð samþykkt.

14.

Fundargerð umhverfis- og skipulagsnefndar nr.32 frá 13.7.

Málsnúmer 0907002F

Fundargerð samþykkt.