Fara í efni

Bæjarráð

233. fundur
15. febrúar 2011 kl. 08:30 - 11:00
í fundarsal á bæjarskrifstofunum að Hafnargötu 2 á Reyðarfirði
Fundargerð ritaði:
Gunnlaugur Sverrisson stjórnsýslustjóri
Dagskrá
1.
Kjarasamningsumboð
Málsnúmer 1102041
Minnisblað mannauðsstjóra frá 11.febrúar vegna kjarasamningsumboðs. Bæjarráð veitir Sambandi íslenskra sveitarfélaga samningsumboð gagnvart Matvís, Stéttarfélagi bókasafns- og upplýsingafræðinga, Kjarafélagi viðskipta- og hagfræðinga, Iðjuþjálfafélagi Íslands og Fræðagarði.
2.
Ráðstefna um stöðu norræna velferðarsamfélags 5-6.maí 2011 á Finnlandi
Málsnúmer 1102069
Lagt fram til kynningar.
3.
Endurskoðun á umferðasamþykkt
Málsnúmer 1009017
Umferðarsamþykkt vísað til bæjarstjórnar.
4.
Rekstur Egilsbúðar
Málsnúmer 1012090
Minnisblað stjórnsýslustjóra frá 11.febrúar vegna umsókna um rekstur Egilsbúðar.  Bæjarráðs felur stjórnsýslustjóra afgreiðslu málsins á forsendum minnisblaðs og óskar eftir frekari upplýsingum um framvindu málsins á næsta fundi.
5.
Jörðin Nes í Neskaupstað
Málsnúmer 1010159
Ákvörðun um möguleg kaup á eignarhluta í jörðinni Nes í Neskaupstað. Minnisblað stjórnsýslustjóra frá 14.febrúar lagt fram. Bæjarráð sammála að gera upp leigugreiðslur samkvæmt minnisblaði en frestar afgreiðslu á mögulegum kaupum og óskar eftir frekari upplýsingum frá mannvirkjastjóra. 
6.
Innkaup á rekstrarvörum 2011
Málsnúmer 1101296
Fjármálastjóri sat þennan lið fundarins. Lögð fram drög að samningi vegna innkaupa á rekstrarvörum.  Bæjarráð felur fjármálastjóra að ganga frá samningi.
7.
Þriggja ára áætlun 2012 - 2014
Málsnúmer 1101235
Fjármálastjóri sat þennan lið fundarins. Framlagt frumvarp að þriggja ára áætlun. Fjármálastjóri fór yfir helstu breytingar sem gerðar hafa verið á áætlun á milli umræðna auk þess sem farið var yfir sjóðsflæði, endurfjármögnun og fjárfestingaráætlun. 
8.
Lóðaleigusamningur, Hraun 10
Málsnúmer 0909114
Minnisblað framkvæmdastjóra hafnanna frá 11.febrúar vegna beiðni VHE um lækkun á byggingaréttargjöldum á lóðinni Hraun 10 við Mjóeyrarhöfn.  Bæjarráð getur ekki fallist á beiðni um lækkun gjalda.
9.
Menningarmiðstöðvar og nýir menningarsamningar 2011
Málsnúmer 1009174
Bæjarstjóri gerði grein fyrir stöðu mála gagnvart samningum við mennta- og menningarmálaráðuneytið um menningarsamstarf á Austurlandi. Bæjarráð heimilar bæjarstjóra að vinna áfram að lausn málsins.
10.
Fundargerðir félagsmálanefndar 2011
Málsnúmer 1101152
Fundargerð félagsmálanefndar nr. 9 frá 7.febrúar 2011 lögð fram.
11.
Fræðslu- og frístundanefnd - 10
Málsnúmer 1102005F
Fundargerð fræðslu- og frístundanefndar nr. 10 frá 9.febrúar 2011 lögð fram.
12.
Verkefnastjóri - æskulýðs- og íþróttamál
Málsnúmer 1012146
Greinargerð um starf verkefnastjóra æskulýðs- og íþróttamála lögð fram.
Bæjarráð samþykkir að hætt verði við ráðningu í starf verkefnastjóra á grundvelli greinargerðarinnar.  Verkefnahópi og starfsmönnum í yfirstjórn verði falin verkefnin.