Bæjarráð

Framlagður viðauki nr. 5 við fjárhagsáætlun Fjarðabyggðar fyrir árið 2019. Viðaukinn er til að mæta viðhaldskostnaði og endurbótum á hjúkrunarheimilinu Uppsalir á Fáskrúðsfirði.
Bæjarráð vísar viðauka til staðfestingar bæjarstjórnar.

Vísað frá eigna-, skipulags- og umhverfisnefnd bréfi Elis B. Eiríkssonar f.h. Loðnuvinnslunnar hf., dagsett 30. ágúst 2019, vegna útreiknings gatnagerðargjalda. Óskað er eftir að álagning gatnagerðargjalda skoðuð sérstaklega, t.d. með vísan til atvinnuuppbyggingar samkvæmt 6. gr. gjaldskrár gatnagerðargjalda. Þá er einnig bent á að í 12. gr. gjaldskrár gatnagerðargjalda eru tilgreind veruleg afsláttarkjör sem eflaust gætu átt við í þessu tilfelli. Eigna-, skipulags- og umhverfisnefnd bendir á að gatnagerðargjald er reiknað út samkvæmt nýtingarhlutfalli lóðar óháð byggingarkostnaði.
Bæjarráð getur ekki orðið við beiðni um afslátt af gatnagerðargjöldum, sbr. 5. og 6. gr. gjaldskrár fyrir gatnagerðargjöld í Fjarðabyggð.

Framlagt bréf Guðrúnar Þorkelsdóttur ehf. þar sem Fjarðabyggð er boðinn forkaupsréttur að Hafdísi SU 220, skipaskrárnúmer 2400.
Bæjarráð samþykkir að nýta ekki forkaupsrétt að Hafdísi SU-220, skipaskrárnúmer 2400.

Framlagt bréf stjórnar Samtaka sveitarfélaga á köldum svæðum þar sem boðað er til stefnumótunarfundar 17. september nk. í Vestmannaeyjum.
Bæjarráð sendir ekki fulltrúa á fundinn að þessu sinni en óskar eftir að niðurstöður fundar verði sendar aðildarsveitarfélögum og teknar fyrir á aðalfundi samtakanna.

Framlögð beiðni Vilborgar Stefánsdóttur um að fá leigða aðstöðu undir sjúkraþjálfun í húsnæði Stefánslaugar í Neskaupstað. Um er að ræða herbergi á jarðhæð sem merkt er starfsfólki en er einungis notað sem geymsla.
Bæjarráð felur íþrótta- og tómstundafulltrúa að meta aðstæður í húsnæði til leigu þess og nýtingar fyrir starfsemi í samráði við forstöðumann miðstöðvarinnar.

Framlagt bréf Þorvaldar Einarssonar um leikvöll við Bakkabúðina í Neskaupstað og uppbyggingu leikvalla.
Eigna-, skipulags- og umhverfisnefnd hefur látið vinna skýrslu um opin leiksvæði í Fjarðabyggð sem unnið er eftir sem stefnu Fjarðabyggðar til framtíðar í málaflokknum. Í þeirri skýrslu er áðurnefnt leiksvæði aflagt en leiksvæði að Sæbakka byggt upp í stað þess.

Framlögð drög erindisbréfs starfshóps sem falið er að fjalla um málefni aldraðra og fatlaðra hvað varðar búsetuform og þjónustu.
Bæjarráð fór yfir gögn og felur bæjarritara að vinna að þeim fram að næsta fundi bæjarráðs en þá verður erindisbréf staðfest.

Framlögð drög að ályktunum til umfjöllunar til undirbúnings aðalfundi Sambands sveitarfélaga á Austurlandi.
Lagt fram til kynningar og tekið fyrir á næsta fundi bæjarráðs

Á fund bæjarráðs mæta fulltrúar frá friðlýsingateymi Umhverfisstofnunar. Farið yfir framkvæmd friðlýsinga, hvaða tegundir og flokkar friðlýsinga sé um að ræða, samstarf og samvinnu o.s.frv.
Bæjarráð er sammála um að Umhverfisstofnun sé falið að boða fund með landeigendum á Gerpissvæðinu til að kynna áform um friðlýsingu Gerpissvæðis og samstarf í þeim efnum.

Miðflokkurinn tilnefnir Einar Birgir Kristjánsson sem varamann í stað Helga Freys Ólasonar í íþrótta- og tómstundanefnd.

Framlögð fundargerð eigna-, skipulags- og umhverfisnefndar frá 2. september s.l. til umfjöllunar.

Fundargerð íþrótta- og tómstundanefndar frá 4. september sl. lögð fram til umfjöllunar.