Bæjarráð

Lögð fram drög að fjárhagsáætlun Fjarðabyggðar fyrir 2020 - 2023.
Bæjarráð felur sviðsstjóra framkvæmdasviðs og fræðslustjóra, ásamt starfsfólki leikskólans Dalborgar, að gera þarfa- og kostnaðargreiningu á hvernig útfærsla á færanlegu rými nýtist best við leikskólann Dalborg. Finna þarf lausn til að brúa bilið þar til sveitarfélagið fer í varanlega stækkun á leikskólanum. Einnig að greina og leggja fyrir eigna-, skipulags- og umhverfisnefnd og fræðslunefnd, tillögu um hvort farið verði í að leigja eða kaupa færanlegt rými. Tillögu og greiningu skal lokið fyrir síðari umræðu í bæjarstjórn um fjárhagsáætlun áranna 2020-2023. Bæjarráð vísar fjárhagsáætlun 2020 til áframhaldandi vinnu.

Eigna-, skipulags- og umhverfisnefnd hefur samþykkt fjárhagsáætlun og framkvæmdaáætlun 2020, fyrir sitt leyti og vísar þeim til umfjöllunar í bæjarráði.
Lagt fram minnisblað sviðsstjóra umhverfis- og skipulagssviðs vegna fjárhagsáætlunar og framkvæmdaáætlanir sviðsstjóra framkvæmdasviðs.
Bæjarráð vísar starfs- og fjárhagsáætlun málaflokksins til fjárhagsáætlunarvinnu.

Eigna-, skipulags- og umhverfisnefnd hefur samþykkt áætlun fyrir sitt leyti og vísar henni til umfjöllunar í bæjarráði.
Lögð fram framkvæmdaáætlun framkvæmdasviðs fyrir B-hluta stofnanir.
Bæjarráð vísar starfs- og fjárhagsáætlun málaflokksins til fjárhagsáætlunarvinnu.

Fjárfestingaráætlun og launaáætlun Fjarðabyggðarhafna lögð fram til afgreiðslu bæjarráðs. Bæjarráð vísar starfs- og fjárhagsáætlun málaflokksins til frekari vinnslu í hafnarstjórn.

Lagt fram minnisblað slökkviliðsstjóra. Bæjarráð vísar starfs- og fjárhagsáætlun málaflokksins til fjárhagsáætlunarvinnu.

Lokið er yfirferð fræðslunefndar á fjárhagsáætlun 2020 og einnig er lokið fundi formanns fræðslunefndar og fræðslustjóra með bæjarráði og bæjarstjóra. Fræðslunefnd hefur samþykkt fyrirliggjandi starfs- og fjárhagsáætlun og vísar henni til bæjarráðs. Bæjarráð vísar starfs- og fjárhagsáætlun málaflokksins til fjárhagsáætlunarvinnu.

Lokið er yfirferð á fjárhagsáætlun 2020 og fundi formanns félagsmálanefndar og félagsmálastjóra með bæjarráði og bæjarstjóra. Félagsmálanefnd hefur samþykkt fjárhagsáætlun vegna ársins 2020 og felur félagsmálastjóra áframhaldandi vinnslu við starfsáætlun. Bæjarráð vísar starfs- og fjárhagsáætlun málaflokksins til fjárhagsáætlunarvinnu.

Framkvæmdaráð hjúkrunarheimilanna hefur samþykkt fjárhagsáætlun hjúkrunarheimilanna fyrir árið 2020 og vísað henni til bæjarráðs. Bæjarráð vísar starfs- og fjárhagsáætlun málaflokksins til fjárhagsáætlunarvinnu.

Barnaverndarnefnd Fjarðabyggðar hefur samþykkt starfs - og fjárhagsramma barnaverndarnefndar 2020 og vísar honum til bæjarráðs. Bæjarráð vísar starfs- og fjárhagsáætlun málaflokksins til fjárhagsáætlunarvinnu.

Eigna- skipulags- og umhverfisnefnd hefur samþykkt, fyrir sitt leyti, að gjaldskrá fyrir meðhöndlun úrgangs 2020, hækki um 2.5% 1.janúar 2020. Endanlegri afgreiðslu er vísað til bæjarráðs. Ekki hefur verið tekin ákvörðun um boðaðan urðunarskatt í gjaldskrá. Tekið fyrir á næsta fundi.

Lagt fram yfirlit yfir rekstur málaflokka og fjárfestingar fyrir janúar - ágúst 2020, launakostnað og skatttekjur fyrir janúar - september 2019.

Kaupandi að hesthúsi að Símonartúni hefur óskað eftir að falla frá samþykktu tilboði sínu, sem bæjarráð samþykkti á fundi 15.ágúst sl., þar sem húsið fer á milli sauðfjárveikivarnalínu og kostnaður og umstang við sótthreinsun er of mikill. Bæjarráð fellst á ósk kaupanda.

Framlagt svar Eftirlitsnefndar með fjármálum sveitarfélaga, vegna skulda Breiðdalshrepps við Íbúðalánasjóð. Bæjarráð er ósammála niðurstöðu eftirlitsnefndarinnar og felur bæjarstjóra og forseta bæjarstjórnar að fylgja málinu eftir.

Íþrótta- og tómstundanefnd leggur til við bæjarráð að farið verði í tveggja ára samstarf við Janus Heilsueflingu ehf. um heilsueflingu eldri borgara á árinu 2020. Bæjarráð samþykkir að fara í verkefnið og felur íþrótta- og tómstundafulltrúa ábyrgð á framhaldi verkefnisins. Vísað til fjárhagsáætlunarvinnu 2020.

Fyrir liggur bréf frá leikskólastjórum á Austurlandi sem sent er til allra sveitar- og bæjarstjórna á Austurlandi. Erindið hefur fengið ítarlega umfjöllun í fræðslunefnd. Bæjarráð þakkar erindið og tekur undir að leikskólastigið er mikilvægur hlekkur í skólastarfi landsins.

Íþrótta- og tómstundanefnd leggur til að gerður verði nýr þriggja ára samningur við íþróttafélög í Fjarðabyggð sem reka eigin íþróttaaðstöðu. Skipting rekstrar- og uppbyggingarstyrkja til næstu þriggja ára verði með sama sniði og verið hefur frá árinu 2014 og hækki styrkir um 2,5% milli ára. Greiðsla og upphæð styrkjanna er háð því að íþróttafélögin efni sinn hluta samninganna. Vísað til bæjarráðs til staðfestingar. Bæjarráð er sammála að hækka styrkfjárhæðir um 2,5% frá 1.janúar 2020.

Framlögð er endurskoðuð jafnréttisstefna Fjarðabyggðar 2019-2023 til umfjöllunar og samþykktar félagmálanefndar. Félagsmálanefnd hefur samþykkt jafnréttisstefnu 2019-2023 fyrir sitt leyti og vísar henni til bæjarráðs. Bæjarráð óskar eftir samantekt félagsmálastjóra um endurskoðun jafnréttisstefnu. Bæjarráð vísar jafnréttisstefnu til fyrri umræðu í bæjarstjórn.

Bréf Eignarhaldsfélags Brunabótafélags Íslands er varðar ágóðahlutagreiðslu á árinu 2019. Hlutdeild Fjarðabyggðar í Sameignarsjóði eignarhaldsfélagsins er 5,226% og greiðsla ársins er kr. 2.613.000.-

Kristinn Þór Jónasson tekur sæti varamanns Sjálfstæðisflokks í safnanefnd í stað Jens Garðars Helgasonar.

Aðalfundur Heilbrigðiseftirlits Austurlands verður haldinn 30.október kl. 13:30 á Hótel Bláfelli í Breiðdal. Bæjarstjóri mun sækja fundinn fyrir hönd bæjarins.

Umhverfis- og samgöngunefnd Alþingis sendir til umsagnar tillögu um stefnumótandi áætlun í málefnum sveitarfélaga fyrir árin 2019-2033 og aðgerðaáætlun fyrir árin 2019-2023. Umsagnarfrestur er til 5.nóvember. Bæjarstjóra falið að yfirfara áætlunina og gera athugasemdir ef þörf er á.

Fundargerð fræðslunefndar, nr. 75 frá 14.október 2019, lögð fram til umfjöllunar.

Fundargerð íþrótta- og tómstundanefndar, nr. 65 frá 9.október 2019, lögð fram til umfjöllunar.

Fundargerð hafnarstjórnar, nr. 229 frá 14.október 2019, lögð fram til umfjöllunar.

Fundargerð eigna- skipulags- og umhverfisnefndar, nr. 244 frá 14.október 2019, lögð fram til umfjöllunar.

Fundargerð félagsmálanefndar, nr. 127 frá 15.október 2019, lögð fram til umfjöllunar.

Fundargerðir barnaverndarnefndar nr. 107 og nr. 109, lagðar fram til umfjöllunar.