Bæjarráð

Umræða um áframhaldandi vinnu við fjárhagsáætlun Fjarðabyggðar milli umræðna. Lögð fram samantekt um rekstur íþrótta- og tómstundamála.
Vísað til áframhaldandi vinnu fjárhagsáætlunar milli umræðna.

Lagt fram sem trúnaðarmál rekstraryfirlit málaflokka og framkvæmda fyrir janúar - september auk skatttekna og launakostnaðar fyrir janúar - október. Jafnframt lagt fram sundurliðað deildaryfirlit janúar - september.

Farið yfir stöðu framkvæmda- og viðhaldsverkefna á árinu 2020 með tilliti til áætlana. Lagt fram minnisblað sviðsstjóra framkvæmdasviðs.
Bæjarráð vísar minnisblaði til eigna-, skipulags- og umhverfisnefndar og til fjármálastjóra til gerðar viðauka við fjárhagsáætlun 2020.

Yfirfarin kostnaðaráætlun vegna byggingar nýs íþróttahúss á Reyðarfirði. Lagt er til við bæjarráð að tilboði Vírnets í húsið verði tekið og jafnframt verði farið í útboð á sökklum og tengibyggingum.
Bæjarráð samþykkir að taka tilboði Vírnets hf. og felur framkvæmdasviði að bjóða út sökkla og tengibyggingu. Tillögum vísað jafnframt til eigna- skipulags- og umhverfisnefndar.

Bæjarstjóri fór yfir fyrirspurn sem borist hefur vegna lóðamála í sveitarfélaginu.

Umsögn atvinnu- og þróunarstjóra er varðar fyrirhugaða breytinga á staðsetningu eldissvæða og útsetningaráætlun í Fáskrúðsfirði lögð fram til kynningar.
Bæjarráð samþykkir umsögnina og felur atvinnu- og þróunarstjóra að senda hana. Vísað til kynningar í hafnarstjórn og eigna-, skipulags- og umhverfisnefnd.

Framlagt bréf Brúar lífeyrissjóðs þar sem lagt er til að endurgreiðsluhlutfall árið 2021 vegna réttindasafns Lífeyrissjóðs starfsmanna Neskaupstaðar í B-deild Brúar lífeyrissjóðs starfsmanna sveitarfélaga verði 72% á næsta ári.
Bæjarráð samþykkir tillögu lífeyrissjóðsins og vísar til afgreiðslu bæjarstjórnar tillögu um að endurgreiðsluhlutfall á árinu 2021 vegna réttindasafns Lífeyrissjóðs Neskaupstaðar verði 72%.

Atvinnuveganefnd Alþingis sendir til umsagnar frumvarp til laga um fiskeldi (vannýttur lífmassi í fiskeldi), 265. mál. Umsögn berist eigi síðar en 2. desember.
Vísað til atvinnu- og þróunarstjóra og bæjarstjóra til skoðunar.

Fundargerð íþrótta- og tómstundanefndar nr. 81 lögð fram til afgreiðslu.

Fundargerð menningar- og nýsköpunarnefndar nr. 33 lögð fram til afgreiðslu.