Bæjarráð

Framhald umræða um nýtingu mögulegs forkaupsréttar að Hafnargötu 6 á Reyðarfirði.
Bæjarráð samþykkir að fela bæjarstjóra að hefja viðræður við eiganda fasteignarinnar um nýtingu mögulegs forkaupsréttar og leggja fyrir bæjarráð að nýju niðurstöður viðræðna. Jafnframt að ræða við leigutaka um framhald leigu. Kristinn Þór Jónasson, fulltrúi Sjálfstæðisflokksins, situr hjá við afgreiðslu málsins.

Boðað er til haustþings Sambands sveitarfélag á Austurlandi sem haldið verður í Fljótsdal fimmtudag 28. september til 29. september.
Fram lagt og kynnt en fulltrúar Fjarðabyggðar eru aðalmenn bæjarstjórnar.

Framhald umræðu um samgöngumál í Fjarðabyggð, frá síðasta fundi bæjarráðs, um tillögu Sjálfstæðisflokksins í Fjarðabyggð að bókun um samgöngumál.
Kristinn Þór Jónsson leggur fram tillögu Ragnars Sigurðssonar Sjálfstæðisflokki að bókun:
"Fjarðabyggð leggur til breytta forgangsröðun í samgönguáætlun með göngum um Suðurfirði í stað uppbyggingar á Suðurfjarðarvegi og hringtengingar frá Neskaupstað til Seyðisfjarðar. Sú breytta forgangsröðun er til hagræðingar í núgildandi samgönguáætlun sem og í vetrarþjónustu, eflir og stækkar atvinnusvæðið, gerir Fjarðabyggð að einni heild og eflir Suðurfirði.
Bæjarstjóra falið að óska eftir áherslubreytingum í svæðisskipulagi Austurlands."
Bókun frá fulltrúum Fjarðalista og Framsóknar í bæjarráði.
"Bæjaryfirvöld í Fjarðabyggð hafa um árabil verið með það í forgrunni við samgönguyfirvöld að ráðast þurfi í endurbætur á Suðurfjarðarvegi og slíkt þoli ekki orðið neina bið líkt og kom fram í umsögn Fjarðabyggðar við drögum að samgönguáætlun sem samþykkt var samhljóða í bæjarstjórn í ágúst sl. Í forgangi er að gera nýjar brýr í botni fjarðanna sem Suðurfjarðarvegur liggur um í stað hættulegra einbreiðra brúa sem í þokkabót eru með þyngdartakmörkum sem farið er að standa samfélögunum í suðurhluta Fjarðabyggðar fyrir þrifum. Er hér um að ræða brú yfir Sléttuá í Reyðarfirði, brýr í botni Fáskrúðsfjarðar og brú í botni Stöðvarfjarðar. Samhliða því að gerðar verði nýjar tvíbreiðar brýr þarf að fara í endurbætur á veginum. Á boðaðri samgönguáætlun sem fer til umræðu á Alþingi nú í haust er brýnt að þessum framkvæmdum verði forgangsraðað fremst í komandi samgönguáætlun enda til orðinn ýmis gögn hjá samgönguyfirvöldum sem flýtt geta þessum framkvæmdum og sérstaklega þá gerð áðurnefndra brúa sem þola enga bið lengur. Sé vilji til hjá samgönguyfirvöldum að skoða fleiri kosti í endurgerð Suðurfjarðarvegar eins og jarðgöng þá leggst sveitarfélagið Fjarðabyggð ekki gegn slíku en með því fororði að slík skoðun má ekki fresta þessum brýnu framkvæmdum lengur. Samgöngubætur á Suðurfjarðarvegi þola enga bið lengur."

Vísað frá félagsmálanefnd til afgreiðslu jafnréttisstefnu Fjarðabyggðar 2023 til 2026 en hún hefur verið uppfærð milli umræðna.
Bæjarráð samþykkir jafnréttisstefnu 2023 til 2026 og vísar henni til afgreiðslu við síðari umræðu í bæjarstjórn.

Farið yfir málefni slökkviliðs.

Fundargerð 932. fundar stjórnar Sambands Íslenskra sveitarfélaga lögð fram til kynningar.

Fundargerð 129. fundar fræðslunefndar lögð fram til umfjöllunar og afgreiðslu.

Fundargerð 300. fundar hafnarstjórnar lögð fram til umfjöllunar og afgreiðslu.

Fundargerð 12. fundar stjórnar menningarstofu- og safnastofnunar tekin til umfjöllunar og afgreiðslu.

Fundargerð 34. fundar umhverfis- og skipulagsnefndar lögð fram til umfjöllunar og afgreiðslu.

Fundargerð 129. fundar íþrótta- og tómstundanefndar lögð fram til umfjöllunar og afgreiðslu.