Bæjarráð

Farið yfir vinnu við gerð fjárhagsáætlunar 2024 fyrir málaflokkinn. Tekið fyrir að nýju.

Farið yfir stöðu vinnu við fjárhagsáætlun fyrir málaflokka sem heyra beint undir bæjarráð og gerð grein fyrir vinnu við gerð fjárhagsáætlunar 2024. Tekið fyrir að nýju.

Farið yfir stöðu við vinnu við fjárhagsáætlun ársins 2024. Vísað til áframhaldandi vinnu og næsta fundar bæjarráðs.

Vísað frá stjórn menningarstofu og safnastofunar gjaldskrá minjasafna 2025 og breyting á gjaldskrá 2024. Stjórnin samþykkir að hækka alla gjaldskrárliði um 100 kr. fyrir árið 2025. Stjórnin leggur til að felld verði út ákvæði um gjaldfrjálsan aðgang að söfnum gegn framvísun Fjarðabyggðarkorts en í stað þess verði tekin upp nýr gjaldskrárliður sem gildi í tiltekið safn og veiti aðgang í eitt ár að því safni. Gjaldið nemi 2.500 kr.
Bæjarráð vísar gjaldskránni til afgreiðslu samhliða gjaldskrám fyrir Fjarðabyggð í heild.

Bæjarráð sem stjórnkerfisnefnd ræðir um breytingar á stjórnkerfi Fjarðabyggðar vegna vinnu við fjárhagsáætlun 2024

Fram lögð til kynningar stefna vegna landamerkjamála í botni Reyðarfjarðar en stefna hefur verið birt sveitarfélaginu vegna landamerkja.
Bæjarstjóra falið að vinna málið áfram í samstarfi við lögfræðing sveitarfélagsins.

Umhverfis- og samgöngunefnd Alþingis sendir til umsagnar tillögu til þingsályktunar um stefnumótandi áætlun í málefnum sveitarfélaga fyrir árin 2024 til 2038 og aðgerðaáætlun fyrir árin 2024 til 2028.
Fram lagt til kynningar.

Lagt er fyrir bæjarráð til umsagnar aflamark Byggðastofnunar fyrir Breiðdalsvík.
Bæjarráð felur atvinnu- og þróunarstjóra að veita umsögn vegna aflamarksins.

Vísað frá umhverfis- og skipulagsnefnd til afgreiðslu bæjarráðs lóðaumsókn Elfar Arons Daðasonar um lóðina í Árdal 13 á Eskifirði.
Bæjarráð samþykkir að úthluta lóðinni.

Framlagt samkomulag Sambands íslenskra sveitarfélaga og BSRB um viðbótarlaun á einstök starfsheiti í leikskólum og heimaþjónustu en gert er ráð fyrir að niður falli greiðslur sem samþykktar voru um viðbótarlaun af sveitarfélaginu.
Bæjarráð samþykkir að útfærð verði aðlögun viðbótargreiðslna samanber minnisblað um breytingar sem þarf að gera. Vísar til staðfestingar bæjarstjórnar.

Fundargerð aukaaðalfundar Samtaka orkusveitarfélaga frá 19. september 2023 lögð fram til kynningar

Rætt um starfsmannamál. Fært til trúnaðarmálabókar.

Fundargerð hafnarstjórnar frá 25. september lögð fram til umfjöllunar og afgreiðslu.

Fundargerð fræðslunefndar frá 26. september lögð fram til umfjöllunar og afgreiðslu.

Fundargerð félagsmálanefndar frá 19. september lögð fram til umfjöllunar og afgreiðslu.

Fundargerð stjórnar menningarstofu- og safnastofnunar frá 26. september lögð fram til umfjöllunar og afgreiðslu.

Fundargerð umhverfis- og skipulagsnefndar frá 26. september lögð fram til umfjöllunar og afgreiðslu.