Bæjarráð

Farið yfir stöðu í framkvæmdum ársins hjá Fjarðabyggð og stofnunum á árinu 2026.

Framlagt bréf frá Sigga Jenssyni vegna bakkavarna Kvíabólslækjar og Þiljuvallalækjar.
Bæjarráð vísar erindi til skoðunar hjá sviðsstjóra skipulags- og framkvæmdasviðs í samstarfi við Ofanflóðasjóð.

Framlögð beiðni um framlag til jólasjóðsins í Fjarðabyggð.
Bæjarráð samþykkir að styrkja jólasjóðinn sem nemur 700.000 kr.

Framlagt erindi Helgu Rakelar Arnardóttur um hálkuvarnir í Kambanesskriðum.
Bæjarráð felur bæjarstjóra að fylgja málinu eftir gagnvart Vegagerðinni.

Ályktun bæjarráðs vegna áforma atvinnuvegaráðherra um fiskeldi í Mjóafirði.
Bæjarráð Fjarðabyggðar fagnar því að atvinnuvegaráðherra hafi falið Hafrannsóknarstofnun að gera burðarþolsmat og tillögur að eldissvæðum fyrir laxeldi í Mjóafirði til að hægt sé að bjóða þau út í framhaldi af því. Eindregin samstaða hefur verið í bæjarstjórn Fjarðabyggðar og meðal íbúa Mjóafjarðar um að hefja skuli laxeldi þar að nýju og styrkja þannig ennfrekar öflugt atvinnulíf í sveitarfélaginu sem er undirstaða velferðar í því. Er það von bæjarráðs að kraftur verði settur í verkefnið og hægt verði að bjóða út leyfin á komandi ári.

Framlögð til kynningar niðurstaða stýrihóps um eignarhald hjúkrunarheimila vegna breytingar á verkaskiptingu ríkis og sveitarfélaga.
Bæjarráð vísar til gerðar viðauka við fjárhagsáætlun ársins 2026 fyrirhuguðum breytingum vegna yfirfærslu eignarhluta sveitarfélagsins í hjúkrunarheimilum til ríkisins.

Framlagður tölvupóstur vegna breytinga í kjörstjórn á Reyðarfirði.
Bæjarráð samþykkir að Snorri Styrkársson taki við formennsku í undirkjörstjórn á Reyðarfirði í stað Andreu Borgþórsdóttur sem tekur sæti varamanns í kjörstjórninni.

Fundargerð 989. fundar stjórnar Sambandsins lögð fram til kynningar.

Fundargerð fjölskyldunefndar frá 24. nóvember tekin til umfjöllunar og afgreiðslu.

Fundargerð öldungaráðs frá 21. október tekin til umfjöllunar og afgreiðslu.

Fundargerð öldungaráðs frá 10. nóvember tekin til umfjöllunar og afgreiðslu.

Fundargerð fjölmenningarráðs frá 18. nóvember tekin til umfjöllunar og afgreiðslu.