Bæjarráð

Framlögð drög að kaupsamningi um Sunnugerði 7 á Reyðarfirði milli Brákar íbúðafélags ehf. og Fjarðabyggðar.
Bæjarráð samþykkir kaupsamninginn og felur bæjarstjóra undirritun og frágang skjala vegna sölunnar.

Fjallað um atvinnumál á Stöðvarfirði.
Bæjarstjóra falið að senda Byggðastofnun bréf vegna fyrirhugaðrar sæbjúgnavinnslu á Stöðvarfirði.

Framlögð til staðfestingar umsóknir um stofnframlög til byggingar eða kaupa á almennum íbúðun hjá Húsnæðis- og mannvirkjastofnun.
Bæjarráð samþykkir að sótt verði um stofnframlög vegna kaupa á tveimur íbúðum á Eskifirði.

Fjallað um niðurrif á fasteignum við Íslenska stríðsárasafnið að Heiðarveg 37.
Bæjarráð felur skipulags- og framkvæmdasviði að afla tilskilinna leyfa til niðurrifs tveggja ónýtra húsa sem standa ofan safnsins og þau verði rifin á árinu. Kostnaði vegna rifanna vísað til gerðar viðauka við fjárhagsáætlun ársins.

Farið yfir niðurstöður hluthafafundar Leigufélagsins Bríetar ehf. sem haldinn var 5. mars sl.

Fjallað um málefni tengdum uppbygginu húsnæðis fyrir 60 ára og eldri.

Framlagt erindi frá Gullrúnu ehf. þar sem óskað er eftir afstöðu Fjarðabyggðar til að nýta forkaupsrétt að bátnum Skuggi HU-41.
Bæjarráð samþykkir að nýta ekki forkaupsrétt að bátnum Skuggi HU-41.

Framlagt boð á aðalfund Lánasjóðs sveitarfélaga ohf. sem haldinn verður 20. mars 2026 kl. 14:00.
Bæjarráð samþykkir að bæjarstjóri gangi frá umboði sveitarfélagsins fyrir hönd Fjarðabyggðar á aðalfundinn.

Framlagt boð á ársfundar Austurbrúar 2026 sem verður haldinn í Skrúð á Fáskrúðsfirði, föstudaginn 20. mars 2026 kl. 13:00.
Bæjarfulltrúar munu sækja ársfundinn.

Fundargerð fjölskyldunefndar frá 2. mars lögð fram til umfjöllunar og afgreiðslu.