Bæjarráð

Framlögð ósk Tónlistarskóla Fjarðabyggðar um styrk vegna 70 ára afmælis Tónskólans í Neskaupstað.
Bæjarráð tekur vel í erindið og felur sviðsstjóra fjölskyldusviðs ásamt bæjarstjóra að finna fjármagn til afmælistónleikanna.

Vísað frá skipulags- og framkvæmdanefnd til afgreiðslu bæjarráðs umsókn um lóðina Strandgötu 33 á Eskifirði.
Bæjarráð samþykkir að úthluta lóðinni.

Vísað frá skipulags- og framkvæmdanefnd til afgreiðslu bæjarráðs umsókn um lóðina Bakkagerði 11 á Reyðarfirði.
Bæjarráð samþykkir að úthluta lóðinni.

Framlagður tölvupóstur frá Skotíþróttafélaginu Dreka vegna íþróttasvæðis.
Bæjarráð felur bæjarstjóra að ræða við bréfritara um málefnið.

Tekin umræða um grenndarkynningu vegna Mógerði 5 á Reyðarfirði en skipulags- og framkvæmdanefnd fjallaði um málið á síðasta fundi sínum.
Bæjarráð felur bæjarstjóra að funda með aðilum sem tengjast grenndarkynningu og leggja fyrir bæjarráð að nýju.

Framlagt erindi frá sveitarfélaginu Swieciechowa í Póllandi þar sem Fjarðabyggð er boðin þátttaka í samstarfsverkefni í meningarmálum sem sveitarfélagið er að undirbúa og verður hleypt af stokkunum af ráðuneyti menningar og þjóðararfs í Póllandi á þriðja ársfjórðungi ársins. Verkefnið er fjármagnað gegnum EEA fjármálaáætlunina og styrki frá Noregi.
Bæjarráð vísar erindi til frekari skoðunar hjá bæjarritara og forstöðumanni menningarstofu.

Framlögð drög að samstarfssamningi um rekstur á skjálausn í íþróttamiðstöðvum Fjarðabyggðar.
Bæjarráð samþykkir samninginn og felur bæjarstjóra undirritun hans.

Framlagt erindi Brúar lífeyrissjóðs vegna skilyrðis úr samþykktum vegna réttindasafns R og B deildar Lífeyrissjóðs Neskaupstaðar en sjóðurinn krefur um viðbótarframlag sem nemur 110 m.kr.
Bæjarráð samþykkir að viðbótarframlagið sé greitt til lífeyrissjóðsins og vísar fjármögnun hans til gerðar viðauka við fjárhagsáætlun ársins.

Framlögð beiðni frá Krabbameinsfélagi Austfjarða þar sem óskað er eftir styrk til greiðslu afnota af Skrúð 10. september vegna 75 ára afmælis Krabbameinsfélags Íslands.
Bæjarráð samþykkir að styrkja félagið sem nemur afnot um húsnæðinu fyrir afmælið. Kostnaði mætt af liðnum óráðstafað 21690.

Skipulags- og framkvæmdanefnd leggur til að tilboði lægstbjóðanda VHE ehf. í IV. áfanga endurbóta við Dalborg leikskóla verði tekið.
Bæjarráð samþykkir að gengið verði til samninga við lægstbjóðanda og felur bæjarstjóra undirritun samningsins.

Farið yfir framkvæmdir við Ofanflóðavarnir í Nes- og Bakkagiljum með fulltrúum Ofanflóðasjóðs og Veðurstofunnar.

Slökkviliðsstjóri fór yfir málefni slökkviliðs.

Kynning á drögum að mælaborði varðandi hagræn umsvif í Fjarðabyggð á árunum 2020-2024. Deildarstjóri fjármála kynnir stöðu.

Fundagerð 1000. fundar stjórnar Sambands íslenskra sveitarfélaga lögð fram til kynningar.

Fundargerð skipulags- og framkvæmdanefndar frá 8. júní lögð fram til umfjöllunar og afgreiðslu.

Fundargerð fjölskyldunefndar frá 10. júní lögð fram til umfjöllunar og afgreiðslu.

Fundargerð stjórnar menningarstofu frá 10. júní lögð fram til umfjöllunar og afgreiðslu.

Fundargerð hafnarstjórnar frá 8. júní lögð fram til umfjöllunar og afgreiðslu.