Bæjarstjórn

Bókun vegna undirskriftarsöfnnarinnar www.lending.is. Bæjarstjórn Fjarðabyggðar fagnar framtaki félagsins Hjartað í Vatnsmýrinni sem stendur fyrir undirskriftarsöfnun, á www.lending.is , til stuðnings þess að flugsamgöngur við Reykjavík verði óbreyttar. Slíkt er alger forsenda fyrir íbúa þessa lands hvort sem litið er til sjúkraflugs, stjórnsýslu eða annarar þjónustu sem í boði er í höfuðborg landsins alls. Sveitarfélagið Fjarðabyggð hefur áður bent á nauðsyn þess að flugsamgöngur við Reykjavík séu óbreyttar, meðal annars með samstarfi við önnur sveitarfélög, með gerð skýrslu KPMG þar sem fram komu greinilega þau neikvæðu áhrif sem það hefði á landsbyggðina ef miðstöð innanlandsflugs yrði flutt úr Reykjavík. Einnig hvetur bæjarstjórn Fjarðabyggðar íbúa sína, sem og landsmenn alla, til að kynna sér þessi mál og leggja áðurnefndri undirskriftarsöfnun lið sitt. Framkvæmdir vegna lýsingar flugbrautar á Norðfirði Bæjarstjórn Fjarðabyggðar tekur undir bókun bæjarráðs frá 349.fundi þess og fagnar framkvæmdum við lýsingu flugbrautar á Norðfirði sem nú er lokið og vill koma á framfæri þakklæti til allra þeirra sem unnu að verkinu í sjálfboðavinnu. Þá vill bæjarstjórn sérstaklega þakka Ingvari Stefáni Árnasyni sem er forvígismaður þess að ráðist var í þessa þörfu framkvæmd og Samvinnufélagi Útgerðamanna í Neskaupstað (SÚN) sem styrkti það af miklum rausnarskap og gerði það að veruleika. Lýsing flugbrautarinnar styrkir Norðfjarðarflugvöll sem sjúkraflugvöll og er nauðsynlegur hluti af heilbrigðisþjónustu í fjórðungnum. Fundardagskrá bæjarstjórnar fram til áramóta. Forseti bæjarstjórnar bar fram tillögu um fundardaga sem bæjarstjórn samþykkir með 9 atkvæðum. 5.sept. 26.sept. 17.okt. 31.okt. 7.nóv. 21.nóv. 5.des. 19.des.