Eigna- skipulags- og umhverfisnefnd

Lögð fram byggingarleyfisumsókn Þórólfs Jóns Egilssonar, dagsett 20. júlí 2015, þar sem sótt er um leyfi til að steypa vegg á lóðarmörkum Austurvegs 21 og 23. Samþykki nágranna liggur fyrir.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

Lagður fram tölvupóstur Páls Snorrasonar fh. Eskju hf, dagsettur 22. júlí 2015, þar sem sótt er um lóðina Leirukrók 5 á Eskifirði til að byggja upp frekari starfsemi tengda fyrirtækinu. Einnig er sótt um að deiliskipulag Leiru 1 verði breytt þannig að lóðirnar við Leirukrók 5, 7, 9 og 11 verði sameinaðar í eina.
Eigna-, skipulags- og umhverfisnefnd samþykkir, fyrir sitt leyti, að úthluta Eskju hf lóðinni að Leirukróki 5 og vísar umsókninni til bæjarráðs til endanlegrar afgreiðslu. Nefndin samþykkir jafnframt að breyta deiliskipulagi Leiru 1.

Lagður fram tölvupóstur Páls Snorrasonar fh. Eskju hf, dagsettur 22. júlí 2015, þar sem sótt er um lóðina Leirukrók7 á Eskifirði til að byggja upp frekari starfsemi tengda fyrirtækinu. Einnig er sótt um að deiliskipulag Leiru 1 verði breytt þannig að lóðirnar við Leirukrók 5, 7, 9 og 11 verði sameinaðar í eina.
Eigna-, skipulags- og umhverfisnefnd samþykkir, fyrir sitt leyti, að úthluta Eskju hf lóðinni að Leirukróki 7 og vísar umsókninni til bæjarráðs til endanlegrar afgreiðslu. Nefndin samþykkir jafnframt að breyta deiliskipulagi Leiru 1.

Lagt fram bréf Hjörleifs Gunnlaugssonar, dagsett 13. júlí 2015, vegna umsóknar um stöðuleyfi fyrir gáma sem eru hluti uppsetningar steinvinnslu við íbúðarhúsið að Strandgötu 62 á Norðfirði.
Eigna-, skipulags- og umhverfisnefnd hafnar stöðuleyfinu þar sem gámar standa utan lóða og stangast á við skipulag svæðisins auk þess að vera á skilgreindu ofanflóðhættusvæði. Nefndin ítrekar að gámar og annar búnaður utan lóðar verði fjarlægður sbr. bókun nefndarinnar frá 9. maí 2015.

Aðeins eitt tilboð barst í framkvæmdir við Helgustaðanámu og var það 51,8% yfir kostnaðaráætlun. Eigna-, skipulags- og umhverfisnefnd hafnar tilboðinu og vísar áframhaldandi vinnslu málsins til sviðsstjóra.

Lagt fram til kynningar.

Eigna-, skipulags- og umhverfisnefnd samþykkir fyrir sitt leyti breytingar á Aðalskipulagi Fjarðabyggðar 2007-2027, þéttbýlisuppdráttur fyrir Norðfjörð, vegna landfyllingar við Norðfjarðarhöfn, skipulagsuppdráttur, greinargerð og umhverfisskýrsla, dagsett 27. júlí 2015.
Málsmeðferð verði í samræmi við 32. gr. skipulagslaga.
Endanlegri afgreiðslu er vísað til bæjarstjórnar.

Eigna-, skipulags- og umhverfisnefnd samþykkir fyrir sitt leyti breytingu á deiliskipulagi Naust 1, Norðfjarðarhöfn og nágrenni, vegna afmörkunnar nýrra lóða á landfyllingu, skipulagsuppdráttur, greinargerð og umhverfisskýrsla, dags. 27. júlí 2015.
Málsmeðferð verði í samræmi við 42. gr. skipulagslaga.
Endanlegri afgreiðslu er vísað til bæjarstjórnar.

Lögð fram byggingarleyfisumsókn Sveins Sveinssonar fh. Vegagerðarinnar, dagsett 24. júlí 2015, þar sem sótt er um leyfi til að rífa tvö sjóhús neðan Norðfjarðarvegar við Eskifjarðarkrók.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að gefa út leyfi þegar öll tilskilin gögn liggja fyrir.