Eigna- skipulags- og umhverfisnefnd
Lagt fram til kynningar minnisblað, dagsett 18. ágúst 2011, vegna frávika frá fjárhagsáætlun 2011 fyrir fyrstu 6 mánuði ársins.
Fyrir liggja tillögur að dagsetningum í fjárhagsáætlunarferli og drög að ferli og framsetningu fjárhagsáætlunar í Fjarðabyggð. Gert er ráð fyrir að fjárhagsrammar verði sendir út til nefnda 31. ágúst og þann 11. október verði fundur bæjarráðs með nefndum. Áætlað er sviðstjórar skili frá sér starfs- og fjárhagsáætlun til bæjarráðs 21. október. <?xml:namespace prefix = o ns = "urn:schemas-microsoft-com:office:office" />
Nefndin fór yfir tillögur.
Lagt fram bréf, dagsett 10. júlí 2011, frá húsfélagi Nesbakka 1 til 11. Þar er farið yfir lekavandamál sem eru á þaki húsnæðisins. Einnig lagt fram minnisblað eigna- og skipulagsfulltrúa, dagsett 15. ágúst 2011, vegna sama máls. <?xml:namespace prefix = o ns = "urn:schemas-microsoft-com:office:office" />
Eigna-, skipulags- og umhverfisnefnd samþykkir tillögu er fram kemur í minnisblaði eigna- og skipulagsfulltrúa og felur fulltrúa svara erindi.
Lagður fram tölvupóstur, dagsettur 19. ágúst 2011, frá Vélhjólaíþróttaklúbbnum í Fjarðabyggð. Þar er farið fram á að klúbburinn fái frest til að gera umbeðnar hljóðmælingar. En þær framkvæmdir er klúbburinn ætlaði í hafa ekki gengið eftir vegna hrunsins og fleiri þátta. Tímaramminn sem klúbburinn fékk til að skila inn niðurstöðum hljóðmælinga rann út 25. ágúst 2009.
Eigna-, skipulags- og umhverfisnefnd samþykkir að veita klúbbnum áframhaldandi frest til 25. ágúst 2012.
Eigna-, skipulags- og umhverfisnefnd ákvað á 22. fundi sínum að grenndarkynna stækkun á farfuglaheimili að Vallargerði 9, Reyðarfirði. Grenndarkynningu er lokið án athugasemda. <?xml:namespace prefix = o ns = "urn:schemas-microsoft-com:office:office" />
Nefndin samþykkir framkvæmdin fyrir sitt leiti og felur byggingarfulltrúa að gefa út byggingarleyfi þegar öllum gögnum hefur verið skilað inn.
Lagður fram tölupóstur, dagsettur 5. ágúst sl., stílaður á bæjarráð. Málið var tekið fyrir á 254. fundi bæjarráð og var vísað þar til umfjöllunar í fræðslu- og frístundarnefnd og eigna-, skipulags- og umhverfisnefnd. <?xml:namespace prefix = o ns = "urn:schemas-microsoft-com:office:office" />
Eigna-, skipulags- og umhverfisnefnd fór yfir bréfið og felur sviðsstjóra að funda með formanni Þróttar um þau atriði sem snúa að nefndinni, þá sérstaklega aðstöðumálin.
Lagður fram undirskriftarlisti frá íbúum á Eskifirði, dags. í júlí 2011, vegna leikvallarins við gatnamót Dalbrautar og Bogahlíðar. Þar er bent á að leikvöllurinn sé mikið sóttur af börnum á Eskifirði og farið fram á að leikvöllurinn verði endurgerður. <?xml:namespace prefix = o ns = "urn:schemas-microsoft-com:office:office" />
Eigna-, skipulags- og umhverfisnefnd fór yfir bréfið. Nefndin mun vinna að forgangsröðun og flokkun leiksvæða í haust í tengslum við fjárhagsáætlunarvinnu, bréfriturum mun verða haldið upplýstum um framvindu.
Lagður fram tölvupóstur, dags. 2. ágúst 2011, frá Hafþóri Eiríkssyni, íbúa við Þiljuvelli 26, Norðfirði. Í tölvupóstinum eru tvær spurningar / hugmyndir:<?xml:namespace prefix = o ns = "urn:schemas-microsoft-com:office:office" />
- að lækur er rennur milli Þiljuvalla og Miðstrætis verði opnaður og leyft að renna ofanjarðar og um leið verði gerður göngustígur meðfram honum. Í dag liggur göngustígur ofan á stokk sem lækurinn rennur í. Stokkurinn er orðin mjög lélegur, reglulega koma göt á hann þannig að stígurinn verður hættulegur.
- hvort standi til að setja gangbraut við Þiljuvelli. Eins og staðan er í dag gengur fólk í umferðinni, þar sem ekki er afmörkuð gangbraut.
Auglýsingar- og athugasemdarfrestur er liðinn fyrir deiliskipulag frístundabyggðar í Skuggahlíðarhálsi, 740 Fjarðabyggð. Ein athugsemd barst. Umsögn eigna- og skipulagsfulltrúa, dagsett 21. ágúst 2011, lögð fram þar sem mælt er með að lóð E 15 verði stækkuð til vestur í upphaflega úthlutaða stærð.
Eigna,- skipulags- og umhverfisnefnd samþykkir að vísa deiliskipulagi frístundabyggðar í Skuggahlíðarhálsi með breytingum í samræmi við umsögn eigna- og skipulagsfulltrúa til bæjarstjórnar til staðfestingar.
Leyfisumsókn frá Tómasi Valdimarssyni dagsett 05.júlí 2011 þar sem sótt er um að reisa stoðvegg 1,5 til 1,7 m að hæð á lóðarmörkum meðfram veginum við Hátúni 3 á Eskifirði.
Eigna-, skipulags- og umhverfisnefnd samþykkir að reistur verður stoðveggur á lóðarmörkum, endanlega staðsetning og útfærsla verði ákveðin í samráði við mannvirkjastjóra.
Erindi frá Guðmundi Pálssyni þar sem sótt er um stöðuleyfi fyrir vinnubúðir vegna vinna við íbúðarhúsið við Kollaleira 3 á Reyðarfirði. Um er að ræða þrjár húseiningar 3x9 m að lengd. Málið var áður tekið fyrir á fundi eigna-, skipulags- og umhverfisnefndar þann 29. maí 2009 og var hafnað. Staðsetning gáma hefur verið færð miðað við upphaflega umsókn.
Eigna-, skipulags- og umhverfisnefnd samþykkir stöðuleyfi til eins árs, til lok ágúst 2012.
Lagt fram bréf, dagsett 16. ágúst 2011, frá Gámaþjónustu Austurlands ehf, þar sem sótt er um áframhaldandi stöðuleyfi fyrir gámahúsa að Hraun 9, við Mjóeyrarhöfn. Núverandi stöðuleyfi rann út 15. ágúst sl.. Meðfylgjandi umsókn er bréf, dagsett 16. ágúst sl. frá Þorsteini B. Ragnarsyni verkefnisstjóra Hatch, þar sem farið er yfir stöðu mála vegna fyrirhugaðra framkvæmda við nýja aðstöðu fyrir Gámaþjónustuna innan lóðar Alcoa Fjarðaáls að Hrauni 1.
Eigna-, skipulags- og umhverfisnefnd samþykkir stöðuleyfi til 6. mánaða á meðan fyrirtækið heldur áfram að vinna í sínum málum.
Stöðuleyfi Einskipafélags Íslands hf. að Hrauni við Mjóeyrarhöfn rann út þann 15. ágúst sl.. Ekki hefur verið sótt um framlengingu stöðuleyfis til byggingarfulltrúa, né hefur félagið skilað inn tímasettri áætlun um framtíðaráætlanir fyrirtækisins eins og farið var fram á í leyfisbréfi. Afstaða nefndarinnar til áframhaldandi stöðuleyfis átti að byggja á umbeðnum upplýsingum.<?xml:namespace prefix = o ns = "urn:schemas-microsoft-com:office:office" />
Eigna-, skipulags- og umhverfisnefnd felur byggingarfulltrúa að skrifa fyrirtækinu bréf og óska eftir skýringum.