Eigna- skipulags- og umhverfisnefnd

Nefndin fór yfir drög að fjárfestingaráætlun fyrir árið 2012 og vísar henni til umræðu og afgreiðslu í bæjarráði, en samkvæmt áætlun þá er gert ráð fyrir að fjárfesting í A-hluta sé 150 mkr. og í B-hluta 46 mkr.<?xml:namespace prefix = o ns = "urn:schemas-microsoft-com:office:office" />

Einnig fór nefndin yfir starfsáætlun mannvirkja- og umhverfissviðs fyrir árið 2012 og samþykkti hana. Starfsáætlun er vísað til umfjöllunar og afgreiðslu bæjarráðs.

Lagt fram bréf frá Umhverfisstofnun, dagsett 18. október, þar sem farið er fram á tilnefningu fulltrúa í vatnasvæðisnefnd. <?xml:namespace prefix = o ns = "urn:schemas-microsoft-com:office:office" />

Lagt fram bréf, dagsett 20. október 2011, frá umhverfisráðuneytinu vegna vinnu við breytingu á lögum nr. 106/2000 um mat á umhverfisáhrifum. Þar er óskað eftir athugasemdum við frumvarpsdrögin og að þær athugasemdir berist eigi síðar en 9. nóvember nk.<?xml:namespace prefix = o ns = "urn:schemas-microsoft-com:office:office" />

Lögð fram til kynningar drög að erindi til Landsnets vegna frágangs línuvega er gerðir voru í tengslum við uppbyggingu á háspennulínum að álveri Alcoa Fjarðaáls. <?xml:namespace prefix = o ns = "urn:schemas-microsoft-com:office:office" />

Lagt fram bréf, dagsett 18. október 2011, frá Kirkjugörðum Reyðarfjarðar. Þar er óskað eftir þátttöku Fjarðabyggðar vegna kostnaðar við girðingu í kringum ytri kirkjugarð Reyðarfjarðar. Samkvæmt viðmiðunarreglum fyrir kirkjugarða og sveitarstjórnir þá ber sveitarstjórn að láta af hendi efni í girðingu.<?xml:namespace prefix = o ns = "urn:schemas-microsoft-com:office:office" />

Lögð fram drög að umsjónarsamningi milli Umhverfisstofnunar og Fjarðabyggðar vegna Helgustaðarnámu í Reyðarfirði, en svæðið er friðlýst og er á válista umhverfisráðuneytisins. Einnig lagðar fram hugmyndir að uppbyggingu á umhverfi námunnar, þar sem sérstaklega er hugað að verndunar, aðgengis- og öryggismálum. <?xml:namespace prefix = o ns = "urn:schemas-microsoft-com:office:office" />

Lögð fram til kynningar umsókn um styrk til Vegagerðarinnar vegna lagningar hjólastígs frá þéttbýlinu á Reyðarfirði út í álver og svo þaðan til Eskifjarðar.<?xml:namespace prefix = o ns = "urn:schemas-microsoft-com:office:office" />

Málið var lagt fram til kynningar á síðasta fundi nefndarinnar. Bæjarráð tók erindið fyrir á 265. fundi sínum og óskaði eftir umsögn eigna-, skipulags- og umhverfisnefndar og hafnarstjórnar. Frestur til að skila inn athugasemdum er til 16. desember 2011.<?xml:namespace prefix = o ns = "urn:schemas-microsoft-com:office:office" />

Lagt fram minnisblað umhverfisfulltrúa, dagsett 3. nóvember 2011, vegna refa- og minkaveiða í Fjarðabyggð veiðitímabilið 2010 til 2011. Á veiðitímabilinu var veiðin eftirfarandi:<?xml:namespace prefix = o ns = "urn:schemas-microsoft-com:office:office" />

Refir 79

Yrðlingar 36

Samtals 115

Minkar 128

Hvolpar 18

Samtals 146

Miðað við árangur veiðitímabilsins þá er veiðin sambærileg og árið 2007, en nær ekki þeim fjölda sem veiddur var árin 2008 og 2009.

Lagt fram minnisblað umhverfisfulltrúa, dagsett 4. nóvember 2011, vegna sorpsmagns frá janúar til loka september 2011. Ljóst er að flokkun hefur verið að aukast jafnt og þétt frá ársbyrjun 2011, en þá var lögð fram skýrsla frá Íslenska gámafélaginu þar sem dregið var saman sorpmagn og árangur í flokkun síðan græna tunnan var innleidd.  Þær tölur byggðust á magntölum frá ágúst til desember 2010.  Meðtal þess sorps sem fór í endurvinnslutunnuna var 13 % í Fjarðabyggð fyrir það tímabil, þó árangur væri misjafn á milli staða. <?xml:namespace prefix = o ns = "urn:schemas-microsoft-com:office:office" />

Í kjölfarið samþykkti nefndin áætlun um að reyna stuðla að betri flokkun í sveitarfélaginu.  Meðal annars voru starfsmenn Íslenska gámafélagsins fengnir til að fara í alla grunnskóla með fræðslu, sendur var út veglegur vorbæklingur og birtar voru upplýsingar á heimasíðu Fjarðabyggðar.  

Nú þegar sömu tölur eru skoðaðar fyrir fyrstu 9. mánuði ársins hefur endurvinnsluhlutfallið hækkað og jafnast á milli byggðarkjarna.  Meðaltal flokkunar í Fjarðabyggð er komin í 18% sem er aukning um 5% frá því á síðasta ári. Stefnan er að hlutfallið verði rúmlega 20% í Fjarðabyggð, en þá er búið að taka tillit til þess að engin fríblöð eru borin út í sveitarfélaginu.  Árangurinn er jákvæður og ljóst er að íbúar eru að læra betur inn á flokkunina og eru að tileinka sér notkun endurvinnslutunnunnar. Hér að neðan eru upplýsingar um skiptingu á milli hverfa:

Nefndin lýsir ánægju sinni með þann árangur sem náðst hefur.

Lagt fram minnisblað, dagsett 2. nóvember 2011, sem unnið er af Mannviti fyrir Framkvæmdarsýslu ríkisins vegna hugsanlegs umframefnis á Tröllagilssvæðinu, þ.e. efni sem ekki er nothæft í varnargarða. Ljóst er að ónothæft efni er meira en ráð var fyrirgert og að finna verður tippstaði sem verktaki getur komið efninu fyrir á. Í matsskýrslu vegna framkvæmdanna var fjallað sérstaklega um þennan þátt og þá svæði sem mætti nota undir tipp. <?xml:namespace prefix = o ns = "urn:schemas-microsoft-com:office:office" />