Bæjarráð

Lögð fram tillaga að úthlutun fjárhagsramma fyrir árið 2020 til nefnda. Með fylgir greinargerð fjármálastjóra ásamt áætlun um útgönguspá fyrir árið 2019 auk sjóðsstreymisyfirlits. Einnig fylgir samantekt á tillögum nefnda í sumar auk áhrifa á samþykktum bæjarstjórnar um fjölgun stöðugilda.
Bæjarráð samþykkir ramma fjárhagsáætlunar 2020 og vísar vinnu fjárhagsáætlunar til fastanefnda og sviðsstjóra.
Bókun fulltrúa Sjálfstæðisflokks í bæjarráði.
Sjálfstæðisflokkurinn leggur til að álagningarprósenta fasteignagjalda í Fjarðabyggð á íbúðarhúsnæði verði lækkuð. Mikilvægt er að koma til móts við hækkandi álögur íbúðarhúsnæðis í sveitarfélaginu og láta íbúa sveitarfélagsins njóta góðs af lækkandi skuldastöðu bæjarfélagsins. Lagt er til fasteignamatsstuðull íbúðarhúsnæðis fari úr 0,5% í 0,438% sem og holræsa- og vatnsgjöld verði lækkuð um samtals 8 milljónir. Með því er komið til móts við hækkandi fasteignamat á íbúðarhúsnæði undanfarinna ára og stuðlað að verðstöðugleika líkt Samband íslenskra sveitarfélaga hefur mælst til um í anda lífskjarasamninganna en þar er lagt til að á árinu 2020 munu gjaldskrár sveitarfélaga hækka um 2,5% að hámarki, en minna ef verðbólga er lægri.
Bókun fulltrúa Fjarðalista, Framsóknarflokks og Miðflokks.
Fulltrúar Fjarðalista, Framsóknarflokks og Miðflokks vilja benda á að vinna við fjárhagsáætlun sveitarfélagsins fyrir árið 2020 er nú í gangi. Verið er að fara yfir rekstur og þjónustu í nefndum sveitarfélagsins ásamt nauðsynlegri fjárfestingu. Síðan verður farið yfir álagningarprósentur og aðrar forsendur fyrir rekstri framtíðarinnar. Öllum bæjarstjórnarfulltrúum er það ljóst að sveitarfélagið mun standa við ábyrgð sína gagnvart lífskjarasamningnum eins og áður hefur verið staðfest. Ljóst er einnig að fjölbreytt og kraftmikið samfélag eins og Fjarðabyggð þarf á öflugri þjónustu og fjárfestingum að halda og rými þarf til þess í fjármálum sveitarfélagins. Ef bæjarfulltrúar vilja draga úr álagningu lögbundinna gjalda sem eiga að standa undir slíku þá er nauðsynlegt að þeir hinir sömu leggi fram líka hvaða rekstur og fjárfestingu á að draga úr.

Framlagt bréf Knattspyrnufélags Fjarðabyggðar þar sem óskað er eftir hærra framlagi til reksturs félagsins.
Bæjarráð felur bæjarstjóra ásamt íþrótta- og tómstundafulltrúa að ræða við bréfritara.

Framlögð tillaga Fjarðalista um breytingu á skipan fulltrúa flokksins í nefndir sveitarfélagsins.
Vegna fráfalls Ævars Ármannssonar er Magni Þór Harðarson tilnefndur sem varaformaður safnanefndar og Björgvin Valur Guðmundsson varamaður hafnarstjórnar. Þá tekur Björgvin Valur Guðmundsson sæti varamanns í safnanefnd í stað Magna.
Þá er Grétar Rögnvarsson tilnefndur sem aðalmaður í Hafnarstjórn og Sigríður Margrét Guðjónsdóttir sem aðalmaður í safnanefnd vegna fæðingarorlofs Kömmu Daggar Gísladóttur.
Eva Dröfn Sævarsdóttir tekur sæti varamanns í hafnarstjórn í stað Grétars Rögnvarssonar.

Bæjarstjóri fór yfir drög að samningi um kaup á þjónustu vegna verklegra framkvæmda. Gögn lögð fram sem trúnaðarmál.
Bæjarstjóra falin frágangur verksamnings.

Framlögð dagskrá umhverfisdags Alcoa Fjarðáls 3. september n.k.
Bæjarstjóri sækir fundinn ásamt kjörnum fulltrúum.

Framlagt fundarboð Sjávarútvegsfundar 2019 en fundurinn verður haldinn miðvikudaginn 2. október kl. 13:00 til 15:45 á Hilton Reykjavík Nordica.
Framlagt til kynningar og vísað til hafnarstjórnar.

Framlögð til kynningar 53. fundargerð stjórnar Samtaka sjávarútvegssveitarfélaga frá 21. ágúst sl.

Fundargerð hafnarstjórnar frá 26. ágúst sl. lögð fram til umræðu