Bæjarráð

Farið yfir stöðu framkvæmda og viðhaldsáætlunar Fjarðabyggðar og stofnana vegna ársins 2020.

Framlagt erindi frá félagsmálaráðuneytinu og UNICEF á Íslandi með tilboði um þátttöku í verkefninu "barnvæn sveitarfélög". Um er að ræða verkefni sem styður sveitarfélög í innleiðingu Barnasáttmála Sameinuðu þjóðanna sem var lögfestur hér á landi árið 2013.
Bæjarráð tekur jákvætt í erindi og vísar því til umsagnar fræðslunefndar, íþrótta- og tómstundanefndar, félagsmálanefndar og ungmennaráðs.

Framlagt minnisblað bæjarstjóra vegna framkvæmda við Egilsbúð - félagsheimili á árinu 2020. Kostnaði vegna framkvæmda er mætt með sölu eigna.
Bæjarráð samþykkir tillögu bæjarstjóra og vísar erindi til kynningar í eigna- skipulags- og umhverfisnefnd. Jafnramt vísað til fjármálastjóra til gerðar viðauka.

Vísað frá eigna-, skipulags-, og umhverfisnefnd til fullnaðarafgreiðslu bæjarráðs lóðarumsókn, dagsett 17. febrúar 2020, þar sem sótt er um lóðina við Stekkholt 11 á Fáskrúðsfirði undir íbúðarhúsnæði.
Bæjarráð samþykkir að úthluta lóðinni.

Framlögð drög að leigusamningi um leigu á Hafnargötu 2 á Reyðarfirði fyrir skrifstofu Fjarðabyggðar ásamt minnisblaði bæjarstjóra um framhald uppbyggingu bæjarskrifstofu.
Bæjarráð samþykkir leigusamninginn og felur bæjarstjóra undirritun hans. Samningi er vísað til fjármálastjóra til gerðar viðauka við fjárhagsáætlun. Jafnframt samþykkir bæjarráð að fela fjármálastjóra, bæjarritara, mannauðsstjóra og sviðsstjóra framkvæmdasviðs að vinna þarfagreiningu, kostnaðarmat og tillögur um hönnun á Búðareyri 2 sem lagðar yrðu fyrir bæjarráð 6. apríl nk.

Framlagðar tilkynningar um niðurstöðu atkvæðagreiðslu meðal félagsmanna Starfsmannafélags Fjarðabyggðar annars vegar og Félags opinberra starfsmanna á Austurlandi hins vegar um verkföll. Verkfallsaðgerðir munu hefjast á miðnætti þann 9. mars nk. með tímabundnum vinnustöðvunum.
Bæjarráð felur mannauðsstjóra að fara yfir með stjórnendum stofnana viðbrögð og ráðstafanir vegna verkfallsaðgerða.

Lögð fram drög erindisbréfs starfshóps um sumaropnun leikskólanna í Fjarðabyggð til staðfestingar.
Bæjarráð staðfestir erindisbréfið og felur formanni hópsins að boða hann til fundar.

Framlagt bréf frá Eftirlitsnefnd með fjármálum sveitarfélaga um almennt eftirlit með fjármálum sveitarfélaga og kröfu um skil á sérstöku yfirliti um fjárfestingar og framvindu þeirra á árinu 2019.
Svar við bréfinu skal hljóta umfjöllun í bæjarstjórn í síðasta lagi fyrir 10. apríl 2020. Áður á dagskrá bæjarráðs 25. mars 2019.
Vísað til fjármálastjóra til úrvinnslu og bæjarstjórn til formlegrar umfjöllunar.

Áður á dagskrá bæjarráðs 20.1. 2020. Fyrir liggur samþykki hjá Lánasjóði sveitarfélaga um lán að upphæð 200 m.kr. af eigin fé sjóðsins til Fjarðabyggðar.
Tillaga fjármálastjóra er sú að samþykki Lánasjóðsins verði nýtt og lánsheimild í áætlun ársins 2020 auk 100 m.kr. viðbótar lántöku verði heimiluð.
Bæjarráð samþykkir fyrir sitt leiti að tekið verði lán að fjárhæð 200 m.kr. og vísar til bæjarstjórnar staðfestingu lántökunnar. Jafnframt vísað til fjármálastjóra gerð viðauka við fjárhagsáætlun 2020 vegna aukinnar lántöku.

Framlagt erindi 7. bekkjar grunnskólans á Reyðarfirði varðandi málefni sundlaugar á Reyðarfirði.
Bæjarráð þakkar nemendum 7. bekkjar bréfið.

Framlögð til kynningar fundargerð framkvæmdaráðs Skólaskrifstofu Austurlands frá 26. febrúar 2020 auk bréfs starfsmanna.
Vísað til kynningar í fræðslunefnd og félagsmálanefnd.

Framlagt minnisblað slökkviliðsstjóra um yfirtöku slökkviliðs Fjarðabyggðar á stálgrindarskemmu við starfsmannaþorp Alcoa án endurgjalds. Ætlunin er að nýta skemmuna fyrir æfingar slökkviliðsins og geymslu á æfingabúnaði. Slökkviliðsstjóri óskar eftir heimild bæjarráðs til að ganga frá kaupum á skemmunni og gerir ráð fyrir að eignarsjóður verði eigandi hennar.
Bæjarráð mun samþykkja að afloknu mati á ástandi stálgrindarskemmu hvort að yfirtöku verðið og felur sviðsstjóra framkvæmdasviðs að gera úttekt á húsnæði stálgrindarskemmu í starfsmannaþorpinu og leggja fyrir næsta fund bæjarráðs.

Lögð fram til afgreiðslu fundargerð Menningar-, og nýsköpunarnefndar frá 17. febrúar sl.

Lögð fram til afgreiðslu fundargerð Hafnarstjórnar frá 17. febrúar sl.

Lögð fram til afgreiðslu fundargerð eigna-, skipulags-, og umhverfisnefndar frá 24. febrúar sl.

Lögð fram til afgreiðslu fundargerð ungmennaráðs frá 5. febrúar sl.