Bæjarráð

Undirritaður verksamningur lagður fram til kynningar um framkvæmdir við viðbyggingu leikskólans Dalborgar á Eskifirði.

Vísað frá eigna-, skipulags- og umhverfisnefnd til afgreiðslu bæjarráðs umsókn Malbikunarstöðvar Austurlands ehf./Partasölu-Austurlands sf., um stækkun lóðar partasölunnar að Sævarenda 2 á Stöðvarfirði, ásamt beiðni um framkvæmdaleyfi vegna stækkunarinnar. Sömu aðilar standa að báðum fyrirtækjunum. Gert er ráð fyrir að lóðin verði sléttuð og malbikuð fyrir þjónustumiðstöð fiskeldis vegna samsetningar og viðhalds fiskeldiskvía með vegtengingu við smábátahöfn og hafnarsvæði. Eigna-, skipulags- og umhverfisnefnd afgreiðir framkvæmdarleyfisumsóknina að fenginni afgreiðslu bæjarráðs á stækkun lóðar.
Bæjarráð samþykkir stækkun lóðarinnar.

Vísað frá eigna-, skipulags- og umhverfisnefnd til kynningar bæjarráðs afgreiðslu nefndarinnar á samningi um landskipti Seljateigs, Seljateigshjáleigu og Móa ásamt yfirlýsingu um staðfestingu á hnitsetningu landamerkja Seljateigs, Seljateigshjáleigu, Kollaleiru og Sléttu. Lagður fram hnitsettur landamerkjauppdráttur jarðanna.
Bæjarráð felur bæjarritara og sviðsstjóra umhverfissviðs að fara yfir forsendur samnings frekar. Vísað til staðfestingar bæjarstjórnar.

Samvinnufélag útgerðarmanna í Neskaupstað hefur keypt Þórsmörk í Neskaupstað af Listasmiðjunni sf. og tekið við skyldum og réttindum gagnvart Fjarðabyggð um leigu húsnæðis. Lagður fram viðauki við samning um Þórsmörk í Neskaupstað, vegna endurgreiðslu á endurbótakostnaði við húsið.
Bæjarráð samþykkir viðaukann fyrir sitt leyti og felur bæjarstjóra undirritun hans.

Framlagðar uppfærðar reglur um launuð námsleyfi starfsmanna leikskóla Fjarðabyggðar til staðfestingar en um minniháttar breytingu er að ræða á umsóknarfresti fyrir haustönn. Annað efni reglanna er óbreytt.
Bæjarráð samþykkir reglurnar fyrir sitt leyti og vísar þeim til staðfestingu bæjarstjórnar.

Rætt um fyrirkomulag Franskra daga 2022 og heimsókn fulltrúa frá Gravelines.
Bæjarráð felur bæjarritara og bæjarstjóra að hefja undirbúning móttöku frakkanna og bjóða fulltrúum á Franska daga.

Farið yfir skipan kjörstjórna fyrir sveitarstjórnarkostningar 14. maí nk.
Bæjarráð vísar kjörstjórnarskipan vegna kosninganna til afgreiðslu bæjarstjórnar.

Fundargerðir 1. og 2. fundar stjórnar Náttúrustofu Austurlands 2022 auk ársreiknings fyrir árið 2021, lagur fram til kynningar.

Fundargerð hafnarstjórnar frá 25. apríl lögð fram til afgreiðslu.

Fundargerð menningar- og nýsköpunarnefndar frá 25. apríl lögð fram til afgreiðslu.

Fundargerð eigna- skipulags- og umhverfisnefndar frá 25. apríl, lögð fram til afgreiðslu.

Fundargerð íþrótta- og tómstundanefndar frá 25.apríl, lögð fram til afgreiðslu.