Bæjarráð

Framlagt erindi frá UHA umhverfisþjónustunni ehf. vegna útboðs á úrgangsþjónustu 2026 til 2029. Í bréfi frá Kærunefnd útboðsmála 6. janúar sl. kemur fram að nefndin líti svo á að ekki sé um sjálfstæða kæru að ræða heldur viðbótarathugasemdir vegna fyrri kæru.
Framlagt og kynnt.

Lagðir fram endurskoðaðir uppdrættir af skógræktarsvæði næst byggðinni á Reyðarfirði þar sem búið er að færa mörk svæðisins upp frá væntanlegum stækkunarsvæðum byggðar og taka tillit til efnistökusvæðis ásamt uppfærðum samningsdrögum.
Bæjarráð samþykkir samning og felur bæjarstjóra undirritun hans.

Framlögð erindi frá Ungmennafélaginu Val vegna padel vallar í eldra íþróttahúsi á Reyðarfirði.
Bæjarráð þakkar gagnlegar ábendingar frá Ungmennafélaginu Val. Ábendingum vísað til skipulags- og framkvæmdasviðs og fjölskyldusviðs til skoðunar.

Framlögð að nýju drög að samningi um afnot af íþróttahúsinu á Reyðarfirði undir padelvöll.
Bæjarráð samþykkir samninginn og felur bæjarstjóra undirritun hans.

Fjallað um niðurstöður könnunar á húsnæðisþörf 60 áara og eldri íbúa í Fjarðabyggð.
Bæjarráð samþykkir að niðurstöður könnunar nýttar við endurskoðun húsnæðisáætlunar sveitarfélagsins og í framhaldinu verði þær kynntar fyrir verktökum í Fjarðabyggð.
Vísað til umfjöllunar fjölskyldunefndar og öldungaráðs.

Framlögð drög að áskriftarsamningi við Akademias, varðandi rafræn námskeið fyrir starfsmenn sveitarfélagsins.
Bæjarráð samþykkir samninginn fyrir sitt leyti og felur bæjarstjóra undirritun hans.

Framlagt erindi frá Gullrúnu ehf. þar sem óskað er eftir afstöðu Fjarðabyggðar til að nýta forkaupsrétt að bátnum Steini HU-45.
Bæjarráð samþykkir að nýta ekki forkaupsrétt að bátnum Steini HU-45.

Farið yfir stöðu úrgangsmála í upphafi nýs samningstímabils.

Framlögð til kynningar fundargerð stjórnar Samtaka sveitarfélaga á köldum svæðum nr. 87.

Framlögð til kynningar fundargerð stjórnar Samtaka sjávárútvegssveitarfélaga nr. 93