Eigna- skipulags- og umhverfisnefnd

Lagt fram til kynningar minnisblað forstöðumanns menningarstofu Fjarðabyggðar, dagsett 21. febrúar 2019, vegna verkefnisins Fjölbreyttara sumarstarf í Fjarðabyggð. Skapandi sumarstörf er tækifæri fyrir fimm einstaklinga á aldrinum 16-25 ára sem hafa áhuga
á að nota krafta sína í 8-9 vikur yfir sumarið til listsköpunar í þágu sveitarfélagsins.
Eigna-, skipulags- og umhverfisnefnd tekur málið fyrir að nýju á næsta fundi.

Lagt fram minnisblað verkefnisstjóra umhverfismála, dagsett 12. febrúar 2019, vegna fjölda sorps- og flokkunartunna við heimili á Breiðdalsvík.
Verkefnastjóri umhverfismála leggur til að Breiðdalsvík fái græna tunnu eins og er annars staðar í Fjarðabyggð.
Eigna-, skipulags- og umhverfisnefnd samþykkir fyrir sitt leiti að fela verkefnastjóra umhverfismála að innleiða græna tunnu á Breiðdalsvík. Endanlegri afgreiðslu er vísað til bæjarráðs.

Kynntar stjórnkerfisbreytingar sem staðfestar voru á fundi bæjarstjórnar 21. febrúar síðastliðinn.

Lögð fram að nýju drög að umhverfisstefnu Fjarðabyggðar 2018-2022.
Eigna-, skipulags- og umhverfisnefnd vísar drögum að umhverfisstefnu Fjarðabyggðar 2018-2022 til umfjöllunar í menningar- og nýsköpunarnefnd, félagsmálanefnd, fræðslunefnd, hafnarstjórn, íþrótta- og tómstundanefnd, landbúnaðarnefnd, ungmennaráð og safnanefnd.

Lagður fram til kynningar samningur sem gerður hefur við Villikattafélagið um að hlúa að villi- og vergangsköttum í landi Fjarðabyggðar og sporna við fjölgun þeirra.

Lagt fram minnisblað umhverfisstjóra, dagsett 7. febrúar 2019, um áætlaða efnisþörf grjóts- og malarefnis næstu fjögur árin vegna fyrirhugaðra verkefna í sveitarfélaginu.
Eigna-, skipulags- og umhverfisnefnd felur sviðsstjóra umhverfis- og skipulagssviðs að endurskoða skilgreind efnistökusvæði í sveitarfélaginu ásamt skoðun á opnun nýrra efnistökusvæða samhliða endurskoðun aðalskipulags.

Lagt fram minnisblað umhverfisstjóra, dagsett 19. febrúar 2019, um fyrirkomulag greiðslna fyrir refa -og minkaveiðar í samræmi við breytt fyrirkomulag veiðanna og umfjöllun á síðasta fundi nefndarinnar.
Eigna-, skipulags- og umhverfisnefnd samþykkir tillögur umhverfisstjóra á fyrirkomulagi veiðanna og greiðslum því tengdu og felur henni að koma þeim til framkvæmda.

Lagðar fram til kynningar reglur félagsmálastjóra og sviðsstjóra framkvæmdasviðs að snjómokstri og garðslætti fyrir öryrkja- og ellilífeyrisþega í Fjarðabyggð.

Lagt fram til kynningar bréf Þjóðskrár Íslands þar sem tilkynnt er að staðföng í húsaskrá verði samræmd fasteignaskrá.

Samþykkt