Fjölskyldunefnd

Stjórnandi félagsþjónustu og barnaverndar kynnir sískráningu til Barna- og fjölskyldustofu fyrir nóvember og desember 2025 og fer yfir þróun mála.

Kynnt drög að reglugerð jöfnunarsjóðs sem heimilar Fasteignasjóði að úthluta framlagi vegna kaupa og uppsetninga á lyftu í húsnæði í eigu sveitarfélaga eða þar sem um er að ræða byggingar í eigu annarra aðila en sveitarfélaga þar sem um samvinnuverkefni sveitarfélaga og einkaaðila er að ræða. Þar nemur framlag Fasteignasjóðs allt að 50%. Einnig er lögð fram hækkun á heimiluðum fermetrakostnaði við byggingu.

Fjölskyldunefnd Fjarðabyggðar getur ekki orðið við beiðni um styrk að þessu sinni.

Fjölskyldunefnd tekur vel í erindið. Samræming hefur þegar átt sér stað varðandi systkinaafslátt leikskóla og frístundar. Fjölskyldunefnd felur stjórnanda fræðslumála og skólaþjónustu að vinna tillögu að gjaldskrá frístundaheimila til samræmingar tekjuafsláttar.

Fjölskyldunefnd samþykkir að farið verði í verkefnið og leitað til Ásgarðs skólaráðgjafar sem sveitarfélagið er nú þegar með samning við. Þegar niðurstaða greiningarinnar liggur fyrir verði hún lögð fyrir fjölskyldunefnd.

Fjölskyldunefnd samþykkir samninginn og vísar honum til bæjarráðs til afgreiðslu.

Sviðstjóri fjölskyldusviðs leggur fram minnisblað um aðstöðu og áhöld tengd íþróttahúsi Reyðafjarðar sem þarf að laga til að húsið nýtist sem best. Málinu vísað áfram til skipulags og framkvæmdanefndar.

Fjölskyldunefnd fór yfir drög að fundaáætlun fjölskyldunnefndar fyrir fyrri hluta ársins 2026.

Fjölskyldunefnd felur stjórnanda íþrótta- og frístundamála að ræða við bréfritara.

Fjölskyldunefnd samþykkir að Lífsbrunnur geti tekið við frístundastyrk Fjarðabyggðar vegna félagsfærninámskeiða, enda uppfylli starfsemin markmið reglna Fjarðabyggðar um frístundastyrk til barna og unglinga og öll form- og framkvæmdarskilyrði reglnanna, þar á meðal skráningu og uppgjör í Abler. Samþykkið byggir á því að frístundastyrkurinn styðji þátttöku barna og unglinga í uppbyggilegu frístundastarfi og efli félagsþátttöku. Stjórnanda íþrótta og frístundamála er falið að ganga frá samstarfi og framkvæmd í samræmi við reglurnar.

Fjölskyldunefnd samþykkir uppfærð drög að reglum Fjarðabyggðar um úthlutun tíma í íþróttamannvirkjum til skóla, íþróttafélaga og almennings, ásamt tilheyrandi verkferlum. Reglurnar taka gildi við birtingu og verður innleiðingu þeirra fylgt eftir af stjórnanda íþrótta og frístundamála í samráði við forstöðumenn íþróttamannvirkja.

Fjölskyldunefnd felur stjórnanda íþrótta- og frístundamála að uppfæra samninginn í samræmi við umræður á fundinum. Lagt fyrir að nýju á næsta fundi.

Helga Rakel Arnardóttir vék af fundi undir þessum lið.

Fundagerð fjölmenningaráð lögð fyrir fjölskyldunefnd.