Hafnarstjórn

Lögð fram drög að gjaldskrá Fjarðabyggðarhafna 2023. Hafnarstjórn samþykkir framlagða gjaldskrá samkvæmt umræðum á fundi og vísar henni til bæjarstjórnar.

Lögð fram til kynningar tillaga að deiliskipulagi Mjóeyrarhafnar. Umhverfis- og skipulagsnefnd hefur áður samþykkt að senda tillöguna í auglýsingu.

Lagt fram til kynningar álit Skipulagsstofnunar vegna umhverfismatsskýrslu 2.áfanga Mjóeyrarhafnar

Lögð fram kostnaðargreining á gerð sjóvarnargarðs við Egilsbraut 22 og 26 í Neskaupstað. Hafnarstjórn felur sviðsstjóra framkvæmdasviðs að vinna málið áfram í samræmi við framlögð gögn og umræður á fundinum.

Lagt fram til kynningar erindi frá Samtökum fyrirtækja í sjávarútvegi þar sem óskað er eftir því að fulltrúar hafna snúi sér til samtakanna ef munaðarlaus veiðarfæri eru á þeirra umráðasvæði og fái aðstoð við að ráða úr þeim vanda. Erindið er sent á allar aðildarhafnir Hafnasambands Íslands.

Lögð fram til kynningar fundargerð 446.fundar Hafnasambands Íslands

Lagðar fram til kynningar ályktanir sem samþykktar voru á Hafnasambandsþingi sem haldið var í Ólafsvík 27.-28.október síðastliðinn.