Menningar- og nýsköpunarnefnd

Framkvæmdastjóri hafna og atvinnu- og þróunarstjori kynntu mat á stöðu og tækifærum tengdum komu skemmtiferðaskipa til Fjarðabyggðar. Hafnarstjórn óskar eftir afstöðu menningar- og nýsköpunarnefndar til málsins. Menningar- og nýsköpunarnefnd telur rétt að bíða eftir niðurstöðum frá vinnufundi hagsmunaaðila og eins telur nefndin vanta betri upplýsingar um mengun skipanna í umhverfinu.

Lagt fram minnisblað varðandi sýnileika Fjarðabyggðar, ferðaþjónustuaðila og fyrirtækja á internetinu. Vinna við stefnumótun í ferðaþjónustu er fyrirhuguð á næstu mánuðum og verður minnisblaðið haft til hliðsjónar við þá vinnu.

Bréf Páls Björgvins Guðmundssonar frá 28.ágúst, er varðar byggingu útsýnispalls við Norðfjarðarvita. Menningar- og nýsköpunarnefnd fagnar áhugaverðu erindi og bíður spennt eftir framhaldi þess.

Þórhallur Árnasonar hefur verið skipaður fulltrúi sóknarnefndar Eskifjarðarkirkju og Hildur Þórðardóttir fulltrúi Austurbrúar, í stjórn Tónlistarmiðstöðvar Austurlands.

Lögð fram gögn vegna vinnu við fjárhagsáætlun ársins 2019. Gert er ráð fyrir að rekstrarniðurstaða málaflokks menningarmála verði um 225 milljónir. Lagt fram bréf fjármálastjóra þar sem kemur fram að launaáætlun skal skila fyrir 28. september og starfs-og fjárhagsáætlun einstakra málaflokka skal skila eigi síðar en 15. október. Gert er gert ráð fyrir fundi formanns nefndar og sviðsstjóra með bæjarráði 1. og 5.október. Tekið fyrir á næsta fundi.