Skipulags- og framkvæmdanefnd

Samþykkt um meðhöndlun úrgangs í Fjarðabyggð 2025. Skipulags- og framkvæmdanefnd þakkar góða yfirferð á breytingum á samþykkt er varða meðhöndlun úrgangs í Fjarðabyggð og samþykkir fyrir sitt leyti.

Óveruleg breyting á deiliskipulagi iðnaðarsvæðis norðan þjóðvegar, Grímseyri 2 Fáskrúðsfirði vegna fyrirhugaðrar uppbyggingar á iðnaðarhúsi. Skipulags- og framkvæmdanefnd samþykkir fyrir sitt leyti fyrirhugaða breytingu á deiliskipulagi. Nefndin felur skipulagsfulltrúa að leggja erindið fyrir í bæjarstjórn að grenndarkynningu lokinni.

Umsókn um byggingarleyfi Grímseyri 2. Skipulags- og framkvæmdanefnd samþykkir fyrirhugaðar byggingarframkvæmdir með fyrirvara um samþykkta óverulega breytingu á deiliskipulagi. Skipulags- og framkvæmdanefnd felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

Framlagt bréf v. hjólabrautar á Norðfirði. Skipulags- og framkvæmdanefnd felur sviðstjóra að ræða við bréfritara og leggja málið fyrir nefnd að nýju.

Lögð fram beiðni um stækkun lóðar frá Húsfélaginu að Egilsbraut 8. Skipulags- og framkvæmdanefnd synjar beiðni um stækkun lóðar að Egilsbraut 8. Samkvæmt gildandi deiliskipulagi er umrætt svæði skilgreint sem almenn bílastæði fyrir miðbæinn á Norðfirði og eru ætluð til sameiginlegrar notkunar fyrir íbúa, gesti og starfssemi á svæðinu.

Framkvæmdaleyfi- Hjallaleira 21,730. Skipulags- og framkvæmdanefnd samþykkir fyrirhugaðar framkvæmdir og felur skipulagsfulltrúa að gefa út framkvæmdaleyfi þegar öllum tilskyldum gögnum hefur verið skilað.

Lagt fram til kynningar samningur við Loftslags- og orkusjóð vegna styrk til jarðhitaleitar til staðfestingar. Skipulags- og framkvæmdanefnd þakkar kynninguna.

Byggingarleyfi Strandgata 39, 735 Eskifirði. Breyting á núverandi húsnæði (skrifstofurými) í 7 íbúðir. Skipulags- og framkvæmdanefnd samþykkir fyrirhugaðar byggingarframkvæmdir og felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

Óveruleg breyting á deiliskipulagi Kirkjubólseyrar, Norðfirði. Skipulags- og framkvæmdanefnd samþykkir óverulega breytingu á deiliskipulagi og vísar erindinu til endanlegrar afgreiðslu í bæjarstjórna. Breytingin er ekki talin hafa grenndaráhrif.