Rafrænir reikningar

Fjarðabyggð óskar eftir að birgjar sendi reikninga með rafrænum hætti, í gegnum skeytamiðlara á XML formi og er mælt með að reikningarnir séu gefnir út í kerfi sendanda. Reikningarnir þurfa að uppfylla tækniforskrift frá Staðlaráði, staðal TS-236, sjá heimasíðu Staðlaráðs Íslands.

Ef birgjar eru ekki með bókhaldskerfi sem getur sent reikninga rafrænt er hægt senda Fjarðabyggð reikning í gegnum rafrænt form sem er aðgengilegt hér. Ekki er mælt með því að nota þessa móttökugátt nema um sé að ræða fáa reikninga á ári. Birgjar þurfa sjálfir að eiga afrit af innsendum reikningi hjá sér. 

Frá og með 1. janúar 2024 verður ekki tekið á móti PDF-reikningum í tölvupósti eða reikningum á pappír. 

Reikningar skulu vera stílaðir á rétta kennitölu og þarf deildarnúmer/kostnaðarstaður að koma fram á reikningi (sjá númer hér að neðan). Á reikningi skal vera sundurliðun á vöru og/eða þjónustu, magn, eining og einingaverð ásamt öðrum lögbundnum upplýsingum.
Viðbótarupplýsingar eins og tíma- og verkskýrslur skal senda sem viðhengi sem viðhengi á pdf formi með rafrænum reikningum eða sem hlekkur í reikningnum.

Eftirfarandi kennitölur eru í notkun hjá sveitarfélaginu og er mikilvægt að rétt kennitala sé notuð til þess að tryggja að reikningar fari fljótt og örugglega í greiðsluferli:

• Fjarðabyggð kt. 470698-2099
• Fjarðabyggðarhafnir kt. 470698-2179
• Hitaveita Fjarðabyggðar kt. 510111-0870
• Eignarhaldsfélagið Hraun kt. 550799-2009

Á reikningum skal koma fram:

• Lýsing á hinu selda og magn, einingarverð og heildarverð
• Nafn sendanda og kennitala auk virðisaukaskattsnúmers sendanda (ef við á)
• Útgáfudagur reiknings
• Númer reiknings (í hlaupandi töluröð)
• Hvaða deild/stofnun pantaði vöru/þjónustu (númer kostnaðarstöðvar)
• Gjalddagi og/eða eindagi
• Nafn eða kennitala þess er pantaði vöruna (ef uppgefið af kaupanda)
• Bankaupplýsingar eða greiðslurönd
• Aðrar viðeigandi upplýsingar eftir þörfum s.s. bílnúmer, símanúmer, verknúmer o.s.frv.

Fyrirspurnir og ábendingar varðandi rafræna reikninga skal senda á bokhald@fjardabyggd.is

Leiðbeiningar við skil á rafrænum reikningum

Listi yfir deildarnúmer sveitarfélagsins má finna hér að neðan með því að smella á viðkomandi stofnun.