Breytingar á skipulagi barnaverndar tóku gildi 1. janúar 2023. Samkvæmt þeim breytingum voru barnaverndarnefndir sveitarfélaga lagðar niður en í stað þeirra munu sveitarfélög reka barnaverndarþjónustu og umdæmisráð barnaverndar. Nú hefur Mennta- og barnamálaráðneytið staðfest samning Fjarðabyggðar og Sveitarfélagsins Hornafjarðar um rekstur á sameiginlegri barnaverndarþjónustu með vísan til 10., 11. og 12. gr. barnaverndarlaga nr. 80/2002 og 96. gr. sveitarstjórnarlaga, nr. 138/2011.
Þjónustan nefnist Barnaverndarþjónusta Fjarðabyggðar og Sveitarfélagsins Hornafjarðar og er Fjarðarbyggð leiðandi sveitarfélag. Barnaverndarþjónusta er hluti af stjórnsýslu sveitarfélaganna en er sjálfstæð og tekur ekki við fyrirmælum um meðferð einstakra mála.