Um þessar mundir er unnið að því að koma keilunum upp en þær eru alls 16 talsins.Verið er að sprengja efni í keilurnar efst á framkvæmdarsvæðinu. Í hverja keilu fara um 1000 rúmmetrar af efni og eru þær eru formaðar með mold sem síðan verða græddar upp með því að sá í þær grasfræjum.
Á næstu vikum verður vinnu haldið áfram af krafti. Framundan er vinna við þvergarðinn, sem er 370 metra langur. Þar er eftir að hækka garðinn um 6 metra að austanverðu og um 3 metra vestast og þá á garðurinn eftir að að lengjast um 15 metra í vesturátt. Rúmmál garðsins eins og hann stendur í dag er um 70 þúsund m3.
Þá verður einnig unnið við uppbyggingu á keilum og þvergarði auk bergskeringar í efri keiluröð. Gert er ráð fyrir að vinnu við bergskeringar verði lokið um mánaðarmótin maí/júní. Einnig verður unnið við Akurlæk sem mun verða að mestu leyti lokaður neðan við göngustíg. Unnið verður við áframhaldandi uppgræðslu á svæðinu um leið og tíðarfar leyfir.
Hér að neðan má einni virða fyrir sér teikningu af áningastað sem verður gerður við göngustígin ofan við spennustöðina við Blómsturvelli.