Fyrsti loðnufarmurinn kom til hafnar í Fjarðabyggð í morgun þegar Polar Amaroq kom í Norðfjarðarhöfn með 340 tonn eftir rúmlega sólarhrings veiðar skammt austur af Norðfjarðarhorni. Farmurinn fer til vinnslu í fiskiðjuveri Síldarvinnslunnar.
Útgefinn loðnukvóti fyrir fiskveiðiárið 2025/2026 er tæp 44.000 tonn, sem er um 6% minna en á síðasta ári en nú eru fimm skip við leit norður af landinu sem vonast er til að leiði til aukinna veiðiheimilda.
