Í ár mátti finna fyrir talsverðri aukningu á bæði þátttöku söluaðila sem og á fjölda gesta. Það er heldur ekki amalegt að lengja ögn sunnudagsrúntinum og mæta í Dalahöllina og hefja jólaundirbúningin með komu í markaðinn.
Í ár líkt og í fyrra fundu markaðshaldarar að fólk kæmi allstaðar að úr fjörðunum og nærliggjandi svæðum. Það megum við væntanlega þakka bættum samgöngum með tilkomu Norðfjarðargangnanna.
Í ár voru að vanda margir glæsilegir sölubásar á markaðnum og mátti sjá að flestir gestanna fyndu eitthvað við sitt hæfi enda úrvalið gott. En á markaðnum var hægt að versla allt frá handprjónuðum böngsum í reykta villibráð, gæs og hreindýr.
Konurnar sem standa að baki markaðnum eru þær sem stýra æskulýðsnefnd hestamannafélagsins Blæs og eiga þær hrós skilið fyrir vel unnið verk og flottan markað. Það er ljóst að jólamarkaðurinn er komin til að vera enda er hann ein mikilvægasta fjáröflun æskulýsnefndar hestamannafélagsins.