Verkefnið Öruggara Austurland var sett á stofn fyrir rúmu ári síðan en þar skuldbatt fjöldi mismunandi aðila sig til að vinna saman gegn ofbeldi og öðrum afbrotum í fjórðungnum og þannig auka velsæld íbúa. Þar á meðal öll sveitarfélögin, framhaldsskólarnir, Austurlandsprófastsdæmi, lögregla og sýslumaður auk Heilbrigðisstofnunar Austurlands og UÍA.
Dagskrá fundarins var tvískipt, fyrri hluti fundarins fjallaði um farsældina, eflingu og innleiðingu hennar á Austurlandi en þar voru haldin erindi bæði frá Múlaþingi og Fjarðabyggð sem þjónusta stóran hluta umdæmisins. Í síðari hlutanum var farið sérstaklega yfir innleiðingu á verklagi vegna heimilisofbeldis sem verið er að samhæfa og samþætta.
Í nýjasta þætti hlaðvarps Austurbrúar er fjallað um samráðsvettvanginn "Öruggara Austurland" sem hefur það markmið að vinna sameiginlega gegn ofbeldi og öðrum afbrotum með markmiðum og aðgerðum sem byggðar eru á svæðisbundnum aðstæðum á Austurlandi.
Nálgat má þáttinn hér: Hlaðvarp Austurbrúar