Áfram þurfum við að vera vakandi fyrir hugsanlegum einkennum og fara í PCR sýnatöku ef þeirra verður vart.
Vegna óvissu um flugveður á laugardaginn er ekki talið rétt að setja upp aukaopnun í sýnatöku þann dag. Opið verður í sýnatökur á sunnudaginn, á Reyðarfirði frá 9-10:30 og á Egilsstöðum frá 12-13:30. Hægt er að bóka sýnatöku á heilsuvera.is.
Skólahald í grunnskólanum á Eskifirði, grunnskólanum á Reyðarfirði og í leikskólanum Lyngholti hefst að nýju á mánudagsmorgun. Áréttað skal að bæði börn og starfsmenn skólanna sem eru í sóttkví þurfa að ljúka henni, mæta í síðari sýnatöku og bíða niðurstöðu áður en þau mæta í skólann.