Fjarðabyggðarappið | Fjarðabyggð

Nýtt starfsmannaapp Fjarðabyggðar

Nýja starfsmannaappið (Fjarðabyggðarappið) er hannað til að efla upplýsingaflæði og einfalda daglegt starf okkar.

Í appinu færð þú á einum stað aðgang að öllum þeim helstu upplýsingum sem þú þarft. Eins og til dæmis, verklagsreglur, almennum starfsupplýsingum, mannauðsstefnu og fleira.

Appið mun nýtast sérstaklega vel við:

innleiðingu nýs starfsfólks
þjálfun og fræðslu
örnámskeið og stutt fræðsluerindi
upplýsingar um viðburði, tilkynningar og annað sem skiptir starfsfólk máli

Meginmarkmið appsins

Auka nýtni og virkni starfsfólks í samskiptum þvert á svið og stofnanir.
Fjarðabyggð sem ein heild – við vinnum öll saman.
Þétta stofnanir og deildir með auknum samskiptum í lokuðu, öruggu umhverfi.
Allt á einum stað – aðgengilegt, notendavænt og einfalt í notkun.

Upplýsingar og samskipti á einum stað

Appið styður upplýsingamiðlun í allar áttir:

fréttir um það sem er að gerast
tilkynningar og skilaboð til starfsfólks
umræðuvettvangur þar sem starfsfólk getur komið ábendingum og hugmyndum á framfæri
hópar til að skiptast á upplýsingum (t.d. hlaupahópar, uppskriftahópar o.fl.)
spjalleiginleikar fyrir einkaskilaboð milli starfsfólks

Í gegnum bókasafn appsins verður auðvelt að nálgast:

mannauðshandbók
stefnur og verklagsreglur
stjórnendahandbók
önnur lykilskjöl sem nýtast í starfi

Góð samskipti – sterkur vinnustaður

Góð samskipti eru grunnstoð árangurs á hverjum vinnustað. Þar sem upplýsingaflæði er skilvirkt og samskipti eru opin og uppbyggileg, skapast sterkt vinnuumhverfi þar sem starfsfólk upplifir stuðning og virðingu.

Allir leggja sitt af mörkum til jákvæðrar vinnustaðamenningar, en leiðtogar gegna sérstaklega mikilvægu hlutverki í að móta og viðhalda jákvæðu samskiptamynstri. Appið er nýtt verkfæri til að styðja það hlutverk.

Tækifæri í nýju appi

Nýja appið er tækifæri til að:

auka virkni og þátttöku
þétta hópinn um alla Fjarðabyggð
byggja upp góða vinnustaðamenningu
tryggja skilvirkt upplýsingaflæði þar sem enginn situr eftir

Við hvetjum allt starfsfólk til að kynna sér appið, prófa sig áfram og nýta það sem sameiginlegt samskipta- og upplýsingatól.

Allt starfsfólk fær boð um aðgang að appinu með sms skilaboði eða tölvupósti. Hafi þér ekki borist slíkt er hægt að hafa samband við næsta yfirmann.