182. fundur

26. janúar 2010 kl. 08:30 - 11:00

í Molanum fundarherbergi 3

Fundargerð ritaði:

Gunnlaugur Sverrisson forstöðumaður stjórnsýslu

Dagskrá

1.

Læknisþjónusta í Fjarðabyggð

Þennan lið fundarins sátu Hannes Sigmarsson læknir og Guðrún Helga Jónsdóttir. Rætt um málefni heilsugæslunnar í Fjarðabyggð.

2.

Staða mála á félagsþjónustusviði í janúar 2010

Málsnúmer 1001094

Framlagðar greinargerðir starfandi félagsmálastjóra frá 25.janúar um fyrirkomulag bakvakta og stöðuna á félagsþjónustusviði. Bæjarráð heimilar ráðningu Sigríðar Ingu Björnsdóttur í starf félagsráðgjafa frá 1.febrúar.

3.

Beiðni um flutning lögheimilis að Stuðlum

Málsnúmer 1001074

Bréf Péturs Valdimarssonar frá 18.janúar vegna skógræktar í landi Stuðla en Pétur óskar eftir að fá að skrá lögheimili sitt að Stuðlum. Það er ekki á valdi bæjarráðs að taka afstöðu til beiðni um skráningu lögheimilis að Stuðlum sbr. 1.gr.laga um lögheimili nr.21/1990.

4.

Íbúðir í eigu Íbúðalánasjóðs

Málsnúmer 0912066

Beiðni Íbúðalánasjóðs um afslætti af fasteignagjöldum. Í minnisblaði forstöðukonu fjármála frá 26.janúar kemur fram að hvergi í innheimtuferlum bæjarins er gert ráð fyrir staðgreiðsluafsláttum og að ekki eru fordæmi fyrir að afsláttur hafi verið veittur af fasteignagjöldum vegna eigna sem standa auðar hluta úr ári. Á grundvelli minnisblaðsins telur bæjarráð sér ekki fært að koma til móts við beiðni Íbúðalánasjóðs um afslætti af fasteignagjöldum.

5.

Beiðni um afslátt á fasteignagjöldum Strandgötu 89 Eskifirði

Málsnúmer 1001002

Beiðni Helgu Þóreyjar Björnsdóttur f.h. eiganda fasteignarinnar að Strandgötu 89 Eskifirði. Á grundvelli framlagðs minnisblaðs forstöðukonu fjármála frá 26.janúar er bæjarráð sammála um að eigandi Strandgötu 89 njóti afsláttar af fasteignagjöldum samkvæmt reglum um afslátt af fasteignaskatti elli- og örorkulífeyrisþega.

6.

Styrkir til hjálparstarfs á Haítí

Málsnúmer 1001083

Samband íslenskra sveitarfélaga vekur athygli á styrkjum sveitarfélaga til hjálparstarfs á Haítí. Bæjarráð samþykkir að styrkja hjálparstarf á Haítí um kr. 200.000 af liðnum 21-69- óviss útgjöld og biður Rauða Krossi Íslands fyrir ráðstöfun fjárins.

7.

Sorphirða og Sorpförgun Fjarðabyggð - útboðsgögn

Málsnúmer 1001039

Minnisblað mannvirkjastjóra frá 22.janúar vegna frestunar á opnun tilboða í sorphirðu og sorpförgun í Fjarðabyggð. Á opnunarfundi 21.janúar var ákveðið að fresta opnun tilboða þar sem breyta þarf atriðum í verklýsingu er varða móttökustöðvar, söfnunarstöðvar og urðunarstað.

8.

Svar við erindi varðandi stjórn heilsugæslu í Fjarðabyggð

Málsnúmer 1001099

Framlagt bréf heilbrigðisráðuneytisins frá 20.janúar við fyrirspurn.