Bæjarráð

Þröstur Ólafsson stjórnarformaður og Þorsteinn Bergsson framkvæmdastjóri Minjaverndar sátu þennan lið fundarins. Rætt um endurbyggingu Franska spítalans á Fáskrúðsfirði og ýmislegt er snýr að verkefninu.  Bæjarstjóra falið að vinna málið áfram og stjórnsýslustjóra falið að leggja fyrir bæjarráð greinargerð um Franska spítalann.

Framlagt uppfært minnisblað stjórnsýslustjóra frá 6.júní um skilmála og kvaðir vegna Bankastrætis 1 Stöðvarfirði.  Bæjarráð samþykkir tillögu í minnisblaði.

Aðalfundur Fjarðaferða verður haldinn miðvikudaginn 29.júní kl.17:00 í Safnahúsinu í Neskaupstað. Formaður atvinnu- og menningarnefndar og bæjarstjóri munu sækja fundinn.

Beiðni Hákonar Guðröðarsonar frá 21.júní um að Fjarðabyggð útvegi sýningarhaldi, í tengslum við Eistnaflug, endurgjaldslaus afnot af gistirými. Bæjarráð tekur vel í erindið og felur ferða- og menningarfulltrúa að vera hópnum innan handar um útvegun á húsnæði.

Bréf Fljótsdalshéraðs frá 16.júní þar sem óskað er eftir leyfi Fjarðabyggðar til að urða sorp í landi Þernuness til næstu tveggja ára. Bæjarráð samþykkir framlagða tillögu mannvirkjastjóra frá 24.júní og felur bæjarstjóra og mannvirkjastjóra að vinna málið áfram. 

Þjóðahátíð verður haldin 24.september í Nesskóla. Bæjarráð samþykkir tillögu stjórnsýslustjóra frá 24.júní um að veittur verði styrkur sem nemur leigu og þrifum í Nesskóla.