533. fundur

11. september 2017 kl. 08:30 - 11:00

í Molanum fundarherbergi 3

Nefndarmenn

Jón Björn Hákonarson Varaformaður

Eydís Ásbjörnsdóttir Aðalmaður

Starfsmenn

Páll Björgvin Guðmundsson Bæjarstjóri

Gunnar Jónsson Embættismaður

Fundargerð ritaði:

Gunnar Jónsson

Dagskrá

1.

Fjárheimildir í fjárhagsáætlun 2018 - Bæjarráð

Málsnúmer 1709025

Farið yfir úthlutaða fjárhagsramma málaflokkanna sameiginlegs kostnaðar, atvinnumála fyrir árið 2018 sem undir ráðið heyra og heilbrigðismál.
Vísað til sviðstjóra til úrvinnslu.

2.

Fjárheimild í fjárhagsáætlun 2018 - Slökkvilið

Málsnúmer 1709059

Farið yfir úthlutaða fjárhagsramma fyrir slökkvilið Fjarðabyggðar.
Vísað til slökkviliðsstjóra til úrvinnslu.

3.

Kauptilboð í Bleiksárhlíð 2-4 3H

Málsnúmer 1709039

Lagt fram kauptilboð í íbúð nr. 0304, 217-0089 að Bleiksárhlíð 2-4 á Eskifirði frá Launafl hf.
Bæjarráð samþykkir að vísa til bæjarstjórnar ákvörðun um að fasteignin verði seld þar sem hún er ekki á sölulista sem bæjarstjórn hefur staðfest.
Vísað til kynningar í eigna-, skipulags- og umhverfisnefnd. Tilboð í eignina vísað til fjármálastjóra til úrvinnslu.

4.

Undirbúningur hafinn að landsátakinu Ísland ljóstengt vegna 2018

Málsnúmer 1709032

Framlögð til kynningar tilkynning frá Innanríkisráðuneytinu um að hafinn sé undirbúningur fyrir næsta áfanga landsátaksins Ísland ljóstengt. Gert er ráð fyrir að tilkynnt verði um úthlutun byggðastyrks vegna 2018 fyrir miðjan september. Áhugasöm sveitarfélög eru hvött til þess að leggja drög að umsóknum hið fyrsta.
Veitustjóra í samvinnu við bæjarritara falið að undirbúa.

5.

Fundargerðir Samband Íslenskra sveitarfélaga 2017

Málsnúmer 1702019

Fundargerð stjórnar sambandsins frá 1.september sl. lögð fram til kynningar.

6.

Fundargerðir stjórnar SSA 2017

Málsnúmer 1701059

Fundargerðir stjórnar SSA frá 5.júlí og 29.ágúst 2017, lagðar fram til kynningar.

7.

Snjóflóðavarnir Tröllagili Norðfirði

Málsnúmer 0903071

Lögð fram dagskrá vegna vígslu varnargarða í Neskaupstað 19.september nk.
Bæjarráð fundar með umhverfisráðherra kl. 14:30 í tengslum við vígsluna sem áformuð er kl. 16:00

8.

Húsvarsla í Valhöll Eskifirði

Málsnúmer 1705102

Bæjarráð vísar samningi um húsvörslu við Vini Valhallar til bæjarstjóra til úrvinnslu.

9.

Nefndaskipan Fjarðalista 2014 - 2018

Málsnúmer 1406125

Fjarðalistinn skipar Magna Harðarson í stað Estherar Aspar Gunnarsdóttur sem varamanns í hafnarstjórn.

10.

Fræðslunefnd - 44

Málsnúmer 1709002F

11.

Eigna- skipulags- og umhverfisnefnd - 184

Málsnúmer 1709003F

Fiskeldismál í Fjarðabyggð Nú í sumar var áhættumat Hafrannsóknarstofnunar kynnt og dró matið stórlega úr leyfilegu fiskeldi í fjörðum Fjarðabyggðar meðal annars. Forsenda matsins er varúðarsjónarmið vegna Breiðdalsár en frekari rannsóknir þurfi að liggja fyrir áður en endurmat getur átt sér stað á Breiðdalsá. Fiskeldi getur orðið ein af burðarstoðum atvinnulífs á Austfjörðum, ekki síst í þeim byggðarkjörnum sem átt hafa undir högg að sækja undanfarin ár, og því er mjög mikilvægt að ráðist verði í frekari rannsóknir á Breiðdalsá nú þegar. Því skorar bæjarráð Fjarðabyggðar á hagsmunaaðila og Hafrannsóknarstofnun að vinna saman að því að finna verkefninu fjármagn til að hægt sé að eyða þeirri óvissu sem nú er uppi sem fyrst með auknum rannsóknum. Fyrir íbúa Fjarðabyggðar sem og íbúa Austfjarða eru hundruðir starfa undir og framtíðaruppbygging fyrir samfélögin. Þá bendir bæjarráð á að sveitarfélagið hefur samþykkt stefnumótun þar sem lögð er áhersla á að uppbygging fiskeldis fari fram á grundvelli sjálfbærrar nýtingar.