Bæjarráð

Áframhaldandi vinna við fjárhagsáætlun ársins 2020.

Lagt fram yfirlit fjármálastjóra yfir málaflokk heilbrigðismála og tillaga hans að breytingu á framsetningu hluta málaflokks heilbrigðismála með yfirfærslu í málaflokk félagsmála.

Framlagt yfirlit yfir rekstur málaflokka og fjárfestingar janúar - júlí 2019 og skatttekjur og launakostnað janúar - ágúst 2019.

Ragnar Sigurðsson vék af fundi undir þessum lið. Farið yfir nauðsynlegar framkvæmdir á hjúkrunarheimilinu Uppsölum, lögð fram kostnaðaráætlun vegna framkvæmdanna og drög að bréfi til Heilbrigðisráðuneytisins vegna þátttöku í framkvæmdinni. Fjármálastjóra falin afgreiðsla málsins.

Félagið Ungt Austurland óskar eftir styrk að upphæð 507.000 kr. frá Fjarðabyggð vegna starfsemi á komandi vetri. Umbeðin styrkupphæð er ákveðin í samræmi við íbúafjölda sveitarfélagsins. Bæjarráð tekur vel í erindið og felur íþrótta- og tómstundafulltrúa og forstöðumanni menningarstofu að funda með forsvarsmönnum félagsins og fara yfir verkefni næsta árs. Niðurstaða þess fundar verði kynnt bæjarráði.

Bréf landeigenda á Óseyri í Stöðvarfirði er varðar lausagöngu fjár í landi Óseyrar Stöðvarfirði, lausafjárganga fjár í Stöðvarfirði og lausafjárgöngu í Fjarðabyggð. Lagt fram til kynningar en erindið hefur verið tekið fyrir í eigna- skipulags- og umhverfisnefnd og vísað til umfjöllunar í landbúnaðarnefnd. Bæjarstjóra falið að fylgja málinu eftir.

Erindi sambandsins er varðar samstarfstækifæri við sveitarfélög í Póllandi. Bæjarstjóra falið að kanna erindið og forsendur þess betur.

Kynning á minningagörðum og frumkvöðlaverkefninu Tré lífsins og hvort áhugi sé fyrir að slíkur minningagarður verði opnaður í Fjarðabyggð. Vísað til eigna- skipulags- og umhverfisnefndar til afgreiðslu.

Beiðni um yfirlýsingu þess efnis að sveitarfélagið hyggist ekki nýta forkaupsrétt á bátnum Áka í Brekku SU 60 sem seldur var frá Breiðdalsvik fyrir nokkru. Bæjarráð mun ekki nýta forkaupsrétt að bátnum.

Allsherjar- og menntamálanefnd Alþingis sendir til umsagnar frumvarp til laga um skráningu einstaklinga (heildarlög), 101. Undirritaðar umsagnir berist eigi síðar en 10. október. Bæjarstjóra falið að yfirfara frumvarpið.

Ársfundur jöfnunarsjóðs sveitarfélaga verður haldinn miðvikudaginn 2.október á Hilton Reykjavík Nordica. Bæjarráð felur bæjarstjóra að sækja fundinn.

Ársfundur samtaka sveitarfélaga á köldum svæðum verður haldinn 4.október á Hilton Reykjavík Nordica. Bæjarráð felur bæjarstjóra að sækja fundinn.

Fundargerð menningar- og nýsköpunarnefndar, nr. 17 frá 23.september 2019, lögð fram til umfjöllunar.

Fundargerð safnanefndar, nr. 11 frá 11.september 2019, lögð fram til umfjöllunar.

Fundargerð eigna- skipulags- og umhverfisnefndar, nr. 243 frá 30.september 2019, lögð fram til umfjöllunar.