Bæjarráð

Framlögð drög að umsögn Fjarðabyggðar um samgönguáætlun 2026 til 2040 ásamt aðgerðaráætlun til næstu fimm ára.
Bæjarráð samþykkir umsögnina og felur bæjarstjóra að senda hana.
Fulltrúi Fjarðalistans styður í meginatriðum efni umsagnar Fjarðabyggðar um samgönguáætlun.
Fulltrúi Fjarðalistans tekur þó fram að hann styður ekki þá viðbótartillögu sem sett er fram í umsögninni um aðra samþætta lausn í jarðgangamálum að svo stöddu, þar sem sú framsetning sé til þess fallin að skapa óþarfa óvissu og rugla umræðuna um þá forgangsröðun jarðgangaverkefna sem þegar liggur fyrir.
Að mati fulltrúa Fjarðalistans er mikilvægt að umsögn sveitarfélagsins sendi skýr og samræmd skilaboð um þá áætlun sem liggur fyrir.

Framlagt minnisblað sviðsstjóra mannauðs- og umbótasviðs vegna veikindalauna fyrir síðari hluta ársins 2025.
Bæjarráð vísar kostnaði vegna veikindalaun til gerðar viðauka við fjárhagsáætlun ársins 2025.

Umræða um drög að frumvarpi til laga um einföldun eftirlits með hollustuháttum og mengunarvörnum.
Bæjarstjóra falið að skila inn umsögn.

Framlögð könnun um verkefni sveitarfélaga sem hefur verið lögð fram í samráðsgátt.
Bæjarráð vísar erindi til nefnda sveitarfélagsins til umsagna.

Opnað hefur verði fyrir umsóknir um stofnframlög til byggingar eða kaupa á almennum íbúðun hjá Húsnæðis- og mannvirkjastofnun.
Vísað til bæjarstjóra til skoðunar.

Farið yfir umsóknir um í Fiskieldissjóð.
Vísað til áframhaldandi vinnu hjá sviðsstjóra skipulags- og framkvæmdasviðs.

Framlagður til kynningar tölvupóstur Sambands íslenskra sveitarfélaga þar sem hvatt er til þáttöku einstaklinga til að bjóða sig fram til sveitarstjórna en átakið miðaðar að því að styrkja lýðræði á sveitarstjórnarstigi.

Framlagt erindi frá Sambandi íslenskra sveitarfélaga en landsþing sambandsins verður haldið á Akureyri 23.-25. september 2026.

Fundargerð 992. fundar stjórnar Sambands íslenskra sveitarfélaga lögð fram til kynningar