Bæjarráð

Framlagður viðauki 3 við fjárhagsáætlun 2025.
Bæjarráð samþykkir viðaukann fyrir sitt leyti og vísar honum til staðfestingar bæjarstjórnar.

Framlögð tillaga fjármálastjóra um fyrirkomulag skammtímafjármögnunar sveitarfélagsins.
Bæjarráð samþykkir að sviðsstjóra fjármála- og greininarsviðs sé veitt heimild til að kalla eftir tímabundinni yfirdráttarheimild allt að fjárhæð 200 m.kr. ef á þarf að halda.

Vísað frá fjölskyldunefnd til afgreiðslu bæjarráðs drögum að endurskoðuðum reglum um sérstakan húsnæðisstuðning.
Bæjarráð samþykkir reglurnar fyrir sitt leyti og vísar þeim til staðfestingar bæjarstjórnar.

Vísað frá stjórn menningarstofu til afgreiðslu bæjarráðs drögum að uppfærðum reglum um úthlutun menningarstyrkja.
Bæjarráð samþykkir reglurnar fyrir sitt leyti og vísar þeim til staðfestingar bæjarstjórnar.

Vísað frá fjölskyldunefnd til afgreiðslu bæjarráðs nýjum vallavinnusamning við Knattspyrnufélag Austfjarða (KFA) fyrir tímabilið 01.01.2026 - 31.12.2028.
Bæjarráð samþykkir samninginn og felur bæjarstjóra undirritun hans.

Vísað frá fjölskyldunefnd til afgreiðslu bæjarráðs tillögu nefndarinnar að heimila útleigu á gamla ræktarsalnum í Íþróttahúsinu á Reyðarfirði til lögreglunnar til eins árs samkvæmt framlögðum leigusamningi.
Bæjarráð samþykkir leigusamninginn og felur bæjarstjóra undirritun hans.

Lagt fram minnisblað skipulagsfulltrúa um undirbúning þróunarverkefnis við Eyri, 740 Norðfirði.
Bæjarráð vísar til skipulags- og framkvæmdanefndar undirbúningi og framkvæmd verkefnisins.

Framlögð fundargerð yfirkjörstjórnar Fjarðabyggðar þar sem tillaga er gerð að kjörstöðum og opnunartímum þeirra vegna sveitarstjórnarkosninga 2026.
Lagt er til að kjörstaðir og talningastaður í Fjarðabyggð verði:
Sólbrekka í Mjóafirði
Nesskóli í Neskaupstað
Eskifjarðarkirkja á Eskifirði
Safnaðarheimilið á Reyðarfirði
Grunnskólinn á Fáskrúðsfirði
Grunnskólinn á Stöðvarfirði
Grunnskólinn á Breiðdalsvík
Talningarstaður í Eskifjarðarkirkju
Kjörstaðir verði opnir frá kl. 09:00 til 22:00 nema í Mjóafirði til kl. 14:00.
Bæjarráð samþykkir tillögu yfirkjörstjórnar um kjörstaði og opnun þeirra vegna sveitarstjórnakosninga 16. maí nk. Vísað til bæjarstjórnar.

Farið yfir málefni Lögreglurstjórans á Austurlandi ásamt því að kynnt er stefna embættisins sem felst í áhersla er lögð á öryggi og öryggistilfinningu íbúa með markvissri, sýnilegri og forvarnamiðaðri löggæslu sem skipulögð er út frá gögnum og stöðu mála.

Framlögð til kynningar drög að aðgerðaráætlun fyrir sjúkraflutninga og bráðaþjónustu fyrir 2026 til 2030.

Framlagður tölvupóstur Krabbameinsfélags Austfjarða þar sem óskað er eftir styrk til afnota af Skrúð vegna mottumarsviðburðar 16. til 19. mars.
Bæjarráð samþykkir að styrkja félagið sem nemur afnotum af félagsheimilinu. Tekið af liðnum óráðstafað 21690.

Ársskýrsla Fab Lab Austurlands lögð fram til kynningar.

Fundargerðir 88. og 89. fundar lagðar fram til kynningar

Framlögð til umfjöllunar og afgreiðslu fundargerð fjölskyldunefndar frá 16. febrúar.

Framlögð til umfjöllunar og afgreiðslu fundargerð hafnarstjórnar frá 16. febrúar.

Framlögð til umfjöllunar og afgreiðslu fundargerð stjórnar menningarstofur frá 16. febrúar.